የሰሜን ኮሪያ ከፍተኛ ባለስልጣን ወደ አሜሪካ ማቅናታቸው ተነገረ

ከሰሜን ኮሪያ ከፍተኛ ባለስልጣናት አንዱ የሆኑት ጄነራል ኪም ዮንግ ቾል ወደ አሜሪካ ማቅናታቸው ተነገረ።

ባለስልጣኑ ወደ አሜሪካ ያቀኑት በአሜሪካ እና ሰሜን ኮሪያ መሪዎች መካከል ሊካሄድ እቅድ ለተያዘለት ውይይት ዙሪያ ለመምከር መሆኑም ተሰምቷል።

የአሜሪካው ፕሬዚዳንት ዶናልድ ትራምፕ ጄነራል ኪም ዮንግ ቾል ለውይይት ወደ አሜሪካ እየመጡ መሆኑን በዛሬው እለት በትዊተር ገፃቸው ላይ አረጋግጠዋል።

ፕሬዚዳንቱ አክለውም ከጄነራል ኪም ጋር የሚወያይ ቡድን ማዘጋጀታቸውንም ገልፀዋል።

የቀድሞ የሰሜን ኮሪያ የደህንነት ቢሮ ሃላፊ የነበሩት ጄነራል ኪም ዮንግ ቾል እንደ አውሮፓውያኑ አቆጣጠር ከ2000 ወዲህ አሜሪካን የሚጎበኙ የመጀመሪያው የሰሜን ኮሪያ ባለስልጣን ይሆናሉ ተብሏል።

ጂነራል ኪም ዮንግ ቾል በአሜሪካ ቆይታቸው ከፕሬዚዳንት ትራምፕ ጋር ይገናኛሉ የተባለ ሲሆን፥ ይህም በስልጣን ላይ ያለን የአሜሪካ ፕሬዚዳንት ያገኙ የመጀመሪያው ከፍተኛ የሰሜን ኮሪያ ባለስልጣን ያደርጋቸዋል ነው የተባለው።

በፕሬዚዳንት ዶናልድ ትራምፕ እና በሰሜን ኮሪያው መሪ ኪም ጆንግ ኡን መካከል ሊካሄድ ታስቦ የነበረው ውይይት ፕሬዚዳንት ትራምፕ አልወያይም በማለታቸው ተስተጓጉሏል።

ሆኖም ግን እንደ አውሮፓውያኑ አቆጣጠር ሰኔ 5 2018 ሲንጋፖር ላይ ሊደረግ የታሰበው የሁለቱ መሪዎች ውይይት በተያዘለት ጊዜ እንዲካሄድ ሁለቱ ሀገራት በመስራት ላይ ይገኛሉ።

ምንጭ፦ www.bbc.com

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram