የሰሜን ኮሪያው መሪ ኪም ጆንግ ኡን እና የደቡብ ኮሪያው ፕሬዚዳንት ባልተጠበቀ ሁኔታ ለሁለተኛ ጊዜ ተገናኙ

የሰሜን ኮያሪው መሪ ኪም ጆንግ ኡን እና የደቡብ ኮሪያ ሞን ጀይ ኢን ዛሬ ባልተጠበቀ ሁኔታ ከወታደራዊ እንቅስቃሴ ነፃ በመሆነው የሀገራቱ ድንበር ላይ ነው የተገናኙት።

የኪም ጆንግ ኡን እና የደቡብ ኮሪያው ፕሬዚዳንት ሞን ጀይ ኢን የዛሬው ግንኙነት ሁለተኛ ጊዜ ብቻ ነው።

የሰሜን ኮሪያ እና የአሜሪካን ታሪካዊ ግንኙነት በትክክለኛ ጎዳና ለማስኬድ ጥረት እያደረጉ በሚገኙበት ወቅት መሪዎቹ እንደተገናኙ ተጠቅሷል።

የአሜሪካው ፕሬዚዳንት ዶናልድ ትራምፕ ከሰሜን ኮሪያው መሪ ኪም ጆንግ ኡን ጋር በፈረንጆቹ ሰኔ 12 ለመገናኘት የነበራቸው እቅድ መሰረዛቸውን አስታውቀው የነበረ ቢሆንም ከቆይታ በኋላ ሊገናኙ እንደሚችሉ ፍንጭ ሰጠዋል።

የሁለቱ ኮሪያ መሪዎች በፓንሙጆም መንደር የተገናኙ ሲሆን፥ ለሁለት ሰዓታት በነበራቸው ቆይታ የአሜሪካ እና ሰሜን ኮሪያ መሪዎች ግንኙነት ውጤታማ ማድረግ በሚቻልበት ዙሪያ ሀሳብ እንደተለዋወጡ ተነግሯል።

ምንጭ፦ ቢቢሲ

Share your thoughts on this post