fbpx

የሜክሲኮ ብሄራዊ ቡድን ደጋፊዎች መጠነኛ የመሬት መንቀጥቀጥ መፍጠራቸው ተነገረ

የሜክሲኮ ብሄራዊ ቡድን ደጋፊዎች ደስታቸውን በሚገልፁበት ጊዜ መጠነኛ የመሬት መንቀጥቀጥ መፍጠራቸው ተነግሯል።

መጠነኛ የመሬት መንቀጥቀጡ የተከሰተው የሜክሲኮ ብሄራዊ ቡድን የጀርመን አቻውን በዓለም ዋንጫ ጨዋታ መርታቱን ተከትሎ ደጋዊዎች ደስታቸውን በሚገልጹበት ጊዜ ነው።

የሜክሲኮ የርእደ መሬት መከታተያ ኤጀንሲ እንዳስታወቀው ከሆነ በሜክሲኮ ሲቲ ከተማ የተፈጠረው የመሬት መንቀጥቀጥ በሰው ሰራሽ የተፈጠረ ነው።

ይህም ደጋፊዎች የሜክሲኮ ብሄራዊ ቡድን ረጅመን ላይ ጎል በሚያስቆጥረበት ጊዜ ደስታቸውን ለመግለፅ በሚዘሉበት ጊዜ የተፈጠረ እንደሆነ ነው ኤጀንሲው ያስታወቀው።

እንደ ኤጀንሲው ገለፃ የመሬት መንቀጥቀጥ ንዝረቱ ሁለት ጊዜ በሀገሪቱ ሰዓት አቆጣጠር 11 ከ32 ሰዓት ላይ ነው የተከሰተው።

ሜክሲኮ ጀርመንን ያሸነፈችበትን የዓለም ዋንጫ የምድብ ጨዋታም በሺህዎች የሚቆጠሩ የሜክሲኮ ሲቲ ከተማ ነዋሪዎች ዞካሎ በተባለው አደባባይ ላይ ተሰባስበው በትልቅ ስክሪን ሲመለከቱ ነበር ነው የተባለው።

በትናንትናው እለት በምድብ ስድስት በተደለደሉት ሜክሲኮ እና ጀርመን መካከል የተካሄደው ጨዋታ በሜክሲኮ 1ለ0 አሸናፊነት መጠናቀቁ ይታወሳል።

ምንጭ፦ news.sky.com

Share your thoughts on this post
%d bloggers like this:
Visit Us On TwitterVisit Us On YoutubeVisit Us On Instagram