የሙስሊሞችን ችግር በማጥናት የመፍትሄ ምክረ ሃሳብ ለማቅረብ የተቋቋመው የጋራ ኮሚቴ ስራውን መጀመሩን ገለፀ

የሙስሊሞችን ችግር በማጥናት የመፍትሄ ምክረ ሃሳብ ለማቅረብ የተቋቋመው የጋራ ኮሚቴ ስራውን መጀመሩን አስታውቋል።

የህዝበ ሙስሊሙን የተቋም አደረጃጀትና የተግባር ውስንነት በመመርመር በቅርፅና ይዘት ሙስሊሙን ማህበረሰብ በተገቢ መንገድ አቀናጅቶ ሊመራ የሚችል ተቋም እውን እንዲሆን በጠቅላይ ሚኒስትር ዶክተር አብይ አህመድ ሸምጋይነት የተቋቋመው ኮሚቴ ስራውን መጀመሩን ገልጿል።

በሙፍቲ ሀጂ ኡመር የሚመራው የመፍትሄ ሀሳብ አቅራቢ ኮሚቴው በዘርፉ ላይ ጥናት በማድረግ ምክረ ሀሳብ ለማቅረብ ንኡስ ኮሚቴ አቋቁሞ ስራ መጀመሩን ዛሬ በኡማ ሆቴል በሰጠው ጋዜጣዊ መግለጫ አስተውቋል።

የተግባር ፍኖተ ካሬታውን መሰረት ባደረገ መልኩ ሲከሰቱ የነበሩ ችግሮችና ጥያቄዎችን ለመፍታት የሚያስችሉ የመፍትሄ ሀሳቦችን ለማቅረብ ባቋቋመው ንኡስ ኮሚቴ በኩል ስራውን ጀምሯል፡፡

የኮሚቴው የህዝበ ግንኙነት ሀላፊ ኡስታዝ ካሚል ሸምሱ እንደገለጹት ይህ ኮሚቴ ከተቋቋመ በኋላ መጅሊሱና ቀድሞ የነበረው የህዝበ ሙስሊሙ መፍትሄ አፈላላጊ ኮሚቴ ስራውራን አቁሟል የሚሉ ወሬዎች ይገኛሉ፡፡

ይሁን እንጂ አዲሱ ኮሚቴ የመፍትሄ ሀሳብ በጥናት አስደግፎ የሚያቀርብ ሲሆን፥ መጅሊሱም ይሁን ቀድሞ የነበረው የህዝበ ሙስሊሙ መፍትሄ አፈላላጊ ኮሚቴ ስራቸውን እንደሚቀጥሉ ነው ኡስታዝ ካሚል የተናገሩት።

የኮሚቴው ሰብሳቢ የሆኑት ሙፍቲ ሀጂ ኡመር በበኩላቸው ለህዝበ ሙስሊሙ አንድነት መረጋገጥና ሰላም መስፈን እያንዳንዱ አማኝ ከኮሚቴው ጎን እንዲቆም አሳስበዋል፡፡

በለይኩን አለም – ኤፍ.ቢ.ሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram