የመዲናዋ ገቢዎች ባለስልጣን በአንድ ሰው ብቻ ሲከናወን የነበረው የሂሳብ መመዝገቢያ መሳሪያ ቁጥጥር በቡድን እንዲከናወን አደረገ

ኪራይ ሰብሳቢነትን እና በዝምድና የመስራት ችግርን ለመቅረፍ በመዲናዋ በተናጠል ሲደረግ የቆየው የሂሳብ መመዝገቢያ መሳሪያ ቁጥጥር ስራ ከዛሬ ጀምሮ በቡድን መደረጉን የአዲስ አበባ ገቢዎች ባለስልጣን አስታወቀ።

ባለስልጣኑ ለፋና ብሮድካስቲንግ ኮርፖሬት እንዳስታወቀው፥ ግብር ከፋዩ በሂሳብ መመዝገቢያ መሳሪያ ተቆጣጣሪዎች ላይ ሲያነሳ የቆየውን የኪራይ ሰብሳቢነት እና በዝምድና የመስራት ቅሬታን መነሻ በማድረግ ከዛሬ ጅምሮ በግል የሚደረጉ የቁጥጥር ስራዎችን በማስቆም በቡድን እንዲከናወን ተደርጓል።

የባለስልጣኑ ምክትል ዋና ዳይሬክተር እና የህግ ማስከበር ዘርፍ ሀላፊ አቶ አትክልት ገ/እግዚአብሄር እንዳስታወቁት፥ ከግብር ከፋዩ በተደጋጋሚ የሚነሳውን ቅሬታ መነሻ በማድረግ ይህ አዲሱ ማሻሻያ ተግባዊ እንዲሆን ተወስኗን ብለዋል።

ከዚህ ጋር በተያያዘ በአንድ ቅርንጫፍ ለረጅም ጊዜ የመስራት ልማድን ለማስቀረት በባለስልጣኑ 14 ቅርንጫፎች የሚገኙ ሰራተኞችን የመቀያየር ስራ እንደተከናወነም ታውቋል።

ግብር ከፋዩም ከዛሬ ጀምሮ በሂሳብ መመዝገቢያ ላይ በተናጠል የሚቀርቡለትን ጥያቄ ማሰተናገድ እንደሌለበት ነው ባለስልጣኑ ያሳሰበው።

በታሪክ አዱኛ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram