የልጅነት ጨዋታዎችን በጎልማሳነት ማዘውተር ህይወትን ቀላል ያደርጋል

ሰዎች በጐልማሳነት የእድሜ ክልል ውስጥ ሲሆኑ፥ መዝናናትን፣ መሳቅን እና መጫወትን በመዘንጋት የህይወት ልማዳቸው ከስራ ወደ ቤት እና ወደ መኝታ በማድረግ ደስታ መፍጠር የሚችሉባቸውን መንገዶችን ይዘነጋሉ።

በፈረንጆቹ 2018 ግንቦት ወር የወጣ ጥናት እንዳመለከተው በጥናቱ ከተሳተፉ 4 ሺህ ጐልማሶች መካከል ሶስት አራተኛ የሚሆኑት ከጭንቀት ጋር እየታገሉ የሚኖሩ መሆናቸው ተጠቁማል።

ቶኒ ሪድሌ የተባለ የህይወት ክህሎት አሰልጣኝ እንደሚናገረው፥ በአሁን ወቅት ሰዎች አብዛኛውን ጊዜ በመቀመጥ እንደሚያሳልፉና የመኖሪያ አካባቢዎችም ለመጫወት እና ነፃ የሆነ እንቅስቃሴ እንዳያደርጉ ምክንያቶች ናቸው ይላል።

በጎልማሳነት እድሜ መጫወት ለሰው ልጅ አስፈላጊ መሆኑን የጠቆመው ጥናቱ ፥ እንደ ህፃናት መሳቅ፣ መሮጥ፣ መውጣት፣ መውረድ እና ሌሎች የጨዋታ አይነቶችን በጐልማሳነት እድሜ ማዘውተር አስፈለጋጊ ነው።

ሆኖም ሰዎች እድሜያቸው እየገፋ በሄደ ቁጥር መጫወትን እየዘነጉ እንደሚሄዱ ነው አሰክጣኙ የተናገረው።

ሰዎች ወደ ጎልማሳነትና እድሜያቸው እየገፋ ሲሄድ በመጫወት ጊዜ ማሳለፍን የልጆች እና አላስፈላጊ ተግባር አድርጎ መውሰድ እንደሚጀምሩ ባለሙያዎች ይናገራሉ።

አዲሱ ጥናት ሰዎች በጐልማሳነት እድሜያቸው የተደበቀ ክህሎታቸውን እና ተሰጥኦዋቸውን በማውጣት ያላቸውንና የነበራቸውን ተፈጥሮዊ አካል እንዲላበሱ ያስችላል።

መጫወትን በሳይንሳዊ መንገድ ማስደገፍ ሰዎች በቤተሰብ፣ በግለሰብ፣ በአመራር እና በተቋማዊ ጉዳዮች ለውጥን ለማምጣት እንደሚያስችል ብሄራዊ የመጫወት ተቋም ባካሄደው ጥናት ማረጋገጡን አስታውቋል።

የተቋሙ ሀኪም እና መስራች የሆኑት ዶክተር ቦዌን ዋይት መጫወት እንደ እንቅልፍ አስፈላጊ መሆኑን ነው ተናግረዋል።

የተለያዩ የጨዋታ አይነቶችን ማዘውተር በህይወት ሊከሰት የሚችለውን ተፈጥሮዊ ለውጦች ለመቋቋም እንደሚያስችልም ጠቁመዋል።

ከዚህ ባለፈ ጨዋታ ከሰዎች ጋር ያለን ግንኙነት በማቅለልና ሰዎች ደህንነት እንደሚሰማቸው ከፍተኛ ጠቀሜታ አንዳለውም ተነግሯል።

ጨዋታ ሳቅን የሚፍጥር በመሆኑ የሰዎችን ጭንቀት ለመቀነስ፣ እና በሽታ የመከላከል አቅምን ለማሻሻል ይረዳልም ተብሏል።

ምንጭ፦ www.huffingtonpost.co.uk

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram