የህይወት ልማዶችን በመቀየር እረጅም እድሜ መኖር ይቻላል-ጥናት

ሰዎች የህይወት ልምዶቻቸውን እና የአኗኗር ዘይቤያቸውን በመቀየር በዚህች አለም የመኖር እድላቸውን በአስርት አመታት ማሻሻል ይችላሉ ይላል አዲስ ጥናት።

እንደ ጥናቱ አለማጨስ፣ የተስተካከለ የሰውነት አቋም፣ የአካል እንቅስቃሴ፣ አልኮል አለማብዛት እና ጤናማ ምግብ መመገብ እረጅም እድሜ ለመኖር የሚያስችሉ የህይወት ልማዶች እንደሆኑ ጠቁሟል።

በህይወታቸው የተጠቀሱን ልምዶች እድሜያቸው ከ50 በላይ ሆነው ተግባራዊ የሚያደርጉት ተግባራዊ ከማያደርጉት አንፃር ሴቶቹ 14 ተጨማሪ እድሜ መኖር የሚችሉ ሲሆን፥ በወንዶች በኩል 12 ነጥብ 2 ተጨማሪ እድሜ መኖር ይችላሉ ተብሏል።

በተመራማሪዎች የህይወት ልምድ እንዲሆን የተመከሩት እነዚህ ጉዳዮች ከልብ እና ካንሰር ጋር ተያይዞ የሚከሰቱ ሞቶችን ለመቀነስ እንደሚችሉ ተረጋግጧል።

እነዚህ በሽታዎች የመኖር የእድሜ ጣሪያ ሳይደርሱ እንዲሞት የሚያደርጉ ዋና ምክንያቶች እንደሆነ የተጠቀሰ ሲሆን የህይወት ልምድን በመቀየር እረጅም እድሜ መኖር ያስችላል ተብሏል

በህይወት ውስጥ ቀላል የሆነ የባህሪ ለውጥ በማምጣት እረጅም መኖር እንደሚቻል ተመራማሪዎቹ የገለፁ ሲሆን በአሜሪካ 8 በመቶ ጎልማሳዎች ብቻ ይህን ተግባራዊ እንደሚያደርጉ ታውቋል።

ምንጭ፦ሲ.ኤን.ኤን

Share your thoughts on this post