የህንድ ፖሊስ 106 የኮኬይን እንክብሎችን ከአንዲት ሴት ሆድ ውስጥ አወጣ

የህንድ ፖሊስ 106 የኮኬይን አደንዛዥ እፅ እንክብሎችን ከአንዲት ሴት ሆድ ውስጥ ማውጣቱን ቢቢሲ ዘግቧል።

ግለሰቧ አደንዛዥ እፁን በሆዷ ውስጥ ወደ ሌላ ቦታ ልታዛውር ስትል ነው በፖሊስ የተያዘችው።

የ25 ዓመቷ የውጭ ሀገር ዜጋ በህንድ ዋና ከተማ በሚገኝ ዓለም አቀፍ አውሮፕላን ማረፊያ ባለፈው የፈረንጆቹ ግንቦት 14 ቀን በፖሊስ ቁጥጥር ስር መዋሏን መረጃዎች ያሳያሉ።

ከተያዘችበት ጊዜ ጀምሮ ለአንድ ሳምንት ያህል በሆስፒታል ውስጥ ሆና ከሆዷ ያለውን አደንዛዥ እፅ በትውከት አማካይነት የሚያስወጣ መድሃኒት ተሰጥቷታል።

በሆዷ የያዘችው አደንዛዥ እፅ 50 ሚሊየን የህንድ ሩፒ ወይም ከ734 ሺህ የአሜሪካን ዶላር በላይ ይገመታል ተብሏል።

ፖሊስ ግልሰቧ የአደንዛዥ እፁን በብራዚሏ ከተማ ሳኦ ፓውሎ ውስጥ እንደዋጠችና ደልሂ እንደደረሰችም ለአንድ ናይጀሪያዊ ግለሰብ እንድታደርስ ትዕዛዝ መቀበሏን ደርሼበታለሁ ነው ያለው።

የአደንዛዥ እፅ ምርመራ ቢሮ ባለስልጣናት እስካሁን ከአንድ ግለሰብ ይህን ያህል የአደንዛዥ እፅ እንክብል አግኝተን አናውቅም ነው ያሉት።

ፖሊስ አደንዛዥ እፁን ከግለሰቧ ሊቀበል የነበረውን ናይጀሪያዊ ለመያዝ ክትትል በማድረግ ላይ መሆኑን ቢቢሲ በድረ-ገጹ አስፍሯል።

 

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram