ዛሬ በምድብ ሁለት ፖርቹጋልና ሞሮኮ ዘጠኝ ሰዓት ይገናኛሉ

በሩሲያ እየተካሄደ ባለው 21ኛው የአለም ዋንጫ ሁለተኛ ጨዋታ የምድብ አንድ እና የምድብ ሁለት ጨዋታዎች ዛሬ ይካሄዳሉ፡፡

በምድብ አንድ ከሚደረጉት ጨዋታዎች መካከል ኡራጓይ እና ሳዑዲ አረቢያ 12፡00 ሰዓት ላይ ይገናኛሉ፡፡

በምድብ ሁለት ፖርቹጋልና ሞሮኮ 9፡00 ሰዓት፤ ኢራንና ስፔን ከምሽቱ 3፡00 ሰዓት ላይ ጨዋታቸውን ያደርጋሉ፡፡

በምድብ አንድ ትላንት ሩሲያ ግብጽን ማሸነፏ ተከትሎ በስድስት ነጥብ ምድቡን እየመራች ትገኛለች፡፡

እንዲሁም ኡራጓይ በመጀመሪያው ጨዋታዋ ግብጽን 1 ለ 0 መርታቷ የሚታወስ ሲሆን፥ ዛሬ ሳዑዲን የምታሸንፍ ከሆነ ከሩሲያ እኩል ነጥብ ይኖራታል፡፡

ከምድቡ አፍሪካዊቷ ግብጽ ባደረገቻቸው ሁለት ጨዋታዎች ሽፈንት ያስተናገደች ሲሆን፥ ከዓለም ዋንጫ የመሰናበት እድሏም ሰፊ ነው፡፡

በምድብ ሁለት ዛሬ ከሚደረጉት ጨዋታዎች መካከል ኢራን ምድቡን በሦስት ነጥብ እየመራች ትገኛለች፡፡

ፖርቹጋልና ስፔን እያንዳንዳቸው አንዳንድ ነጥብ የያዙ ሲሆን፥ ሞሮኮ ያለምንም ነጥብ የመጨረሻውን ደረጃ ይዛለች፡፡

 

ምንጭ፥ቢቢሲ
በአብርሃም ፈቀደ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram