ዘጠነኛው የአፍሪካ ዩኒቨርስቲዎች የስፖርት ውድድር በመቐለ ዩኒቨርስቲ ተጀምሯል

ዘጠነኛው የአፍሪካ ዩኒቨርስቲዎች የስፖርት ውድድር ትላንት በመቐለ ዩኒቨርስቲ ስታዲየም ውስጥ በደማቅ የመክፈቻ ስነስርዓት ተከፍቷል፡፡

በመክፈቻ ስነስርዓቱ ላይ የክልልና የፌደራል ባለስልጣናት የዩኒቨርስቲ ፕሬዚዳንቶች እና ተወካዮች እንዲሁም የመቐለ ነዋሪዎች በተገኙበት ነው በይፋ የተጀመረው፡፡

በመክፈቻ ስነስርዓቱ ላይ የመቐለ ዩኒቨርስቲ ፕሬዚዳንት ፕሮፌሰር ክንደያ ገብረህይወት እና የትግራይ ክልል ምክትል ርዕሰ መስተዳድር ዶክተር ደብረጽዮን ገብረሚካዔልን ንግግር አድርገዋል፡፡

ውድድሩ ለአንድ ሳምንት የሚቆይ ሲሆን ከ18 የአፍሪካ ሀገራት የተውጣጡ 57 የተለያዩ ዩኒቨርስቲዎች ይሳተፉበታል፡፡

በዚህ ውድድር ላይ ከ500 በላይ ተወዳዳሪዎች በአስር የስፖርት ዓይነቶች ውድድራቸውን እንደሚያካሂዱም ተገለጿል፡፡

ዛሬ በሚካሄደው ውድድር የመረብ ኳስ፣ የእግር ኳስ እና የቅርጫት ኳስ ውድድሮች እንደሚከናወን ይጠበቃል፡፡

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram