ዋልያዎቹ አብርሃም መብራቱን በዋና አሰልጣኝነት ሾሙ

አብርሃም መብራቱ የኢትዮጵያ ብሄራዊ ቡድን ዋና አሰልጣኝ በመሆን መሾማቸው እየተነገረ ነው።

አሰልጣኝ አብርሃም ከዚህ ቀደም የየመንን ብሄራዊ ቡድን በዋና አሰልጣኝነት በመያዝ ውጤታማ ስራ አከናውነዋል።

አሁን ላይም አሰልጣኝ አልባ የነበረውን ብሄራዊ ቡድን ተረክበዋል እየተባለ ነው።

የኢትዮጵያ እግር ኳስ ፌዴሬሽን ብሄራዊ ቡድኑን በዋና አሰልጣኝነት ለመያዝ ያመለከቱ አሰልጣኞችን የመለየት ስራ ሲሰሩ ቆይቷል።

የፌዴሬሽኑ የቴክኒክ ኮሚቴም ለስራ አስፈጻሚ ኮሚቴው የመጨረሻ እጩ ያላቸውን 5 አሰልጣኞች ዝርዝር መላኩ ይታወሳል።

በዚህም መሰረት አብርሃም መብራቱ፣ ውበቱ አባተ፣ ገብረመድህን ሃይሌ፣ ስዩም ከበደ እና አሰልጣኝ ፀጋዬ ኪዳነማርያም የመጨረሻ እጩዎች ሆነው ቀርበዋል።

ፌዴሬሽኑም አሰልጣኝ አብርሃም መብራቱን የቡድኑ ዋና አሰልጣኝ አድርጎ መሾሙ ታውቋል።

አሰልጣኝ አብርሃም የየመንን ብሄራዊ ቡድን ለዘንድሮው የእስያ ዋንጫ ውድድር ካበቁ በኋላ፥ ቡድኑ ለውድድሩ በሚያደርገው ዝግጅት ባጋጠመው የገንዘብ እጥረት ሳቢያ ስራቸውን መልቀቃቸው ይነገራል።

የኢትዮጵያ ብሄራዊ ቡድን አሰልጣኝ አሸናፊ በቀለ ቡድኑን ከለቀቀ በኋላ ያለ አሰልጣኝ ቆይቷል።

 

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram