ወደ ጤና ተቋማት ስንሄድ ሁሌም ተመሳሳይ የጤና ባለሙያ እንዲያየን ማድረግ ያለው ጠቀሜታ

ወደ ጤና ተቋማት ለህክምና በምንሄድበት ጊዜ ሁሌም በተመሳሳይ የህክምና ባለሙያ ጋር መታየት ጠቀሜታው የጎላ መሆኑን በብሪታንያ የተሰራ ጥናት አመልክቷል።

በጥናቱ ወደ ጤና ተቋማት ለህክምና በተደጋጋሚ በምንሄድበት ወቅት ሁሌም አንድ የህክምና ባለሙያ የሚያየን ከሆነ ጤነኛ ሆኖ ለመቆየት እና በእድሜያችንን ለማርዘም ይረዳል ተብሏል።

ተመራማሪዎች የተለያየ ባህል ካላቸው 9 ሀገራት የተሰበሰቡ 22 ጥናቶችን አንድ ላይ በማምጣት ባከናወኑት ጥናት ነው ውጤቱን ያገኙት።

ከ22ቱ ጥናቶች ውስጥ 18ቱ የህክምና ባለሙያ ከመቀያየር ይልቅ ሁሌም አንድ የህክምና ባለሙያ ጋር የህክምና ክትትል ማድረግ በህይወት የመኖር እድልን ከፍ እንደሚያደርግ አመልክተዋል።

በብሪታንያ ኤክስተር ዩኒቨርሲቲ የተካሄደው ጥናቱ፤ በታማሚዎች እና በህክምና ባለሙያዎች መካከል ያለውን ግንኙነት እና የሞት ምጣኔን የተመለከተ ነው።

ታካሚዎች የሚያውቁት የህክምና ባለሙያ ጋር በሚሆኑበት ጊዜ የሚሰማቸውን ነገር በነፃነት የማብራራት እድል ያገኛሉ የሚሉት ተመራማሪዎቹ፥ የህክምና ባለሙያውም ቢሆን በቀላሉ ለመረዳት እና የተሻለ ህክምናን ያማክራል ብለዋል።

ይህ ደግሞ ታካሚዎች የተሻለ ህክምና እንዲያገኙ እና ጤንነታቸውን እንዲጠብቁ የሚያደርግ ሲሆን፥ ረጅም እድሜ የመኖር እድልንም ይከፍታል ነው ያሉት ተመራማሪዎቹ።

ስለዚህም ይላሉ ተመራማሪዎቹ፥ ሁሌም ወደ ጤና ተቋማት በምንሄድበት ጊዜ በተቻለን አቅም ከሂፍ በፊት ያየን የህክምና ባለሙያ ጋር በድጋሚ ብንታይ መልካም ነው።

ምንጭ፦ www.upi.com/Health

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram