ወልዋሎ አዲግራት ዩኒቨርሲቲ በ17ኛው ሳምንት ተቋርጦ የነበረውን ሁለተኛ አጋማሽ ጨዋታ አሸነፈ

በኢትዮጵያ ፕሪምየር ሊግ 17ኛ ሳምንት ተቋርጦ የነበረው የወልዋሎ አዲግራት ዩኒቨርሲቲና የመቐለ ከተማ ሁለተኛ አጋማሽ ጨዋታ ዛሬ ተካሂዷል።

ዛሬ የተካሄደው ሁለተኛው አጋማሽ ቀሪ የጨዋታ ክፍለ ጊዜ 0 ለ 0 ተጠናቋል።

ይህን ተከትሎም ወልዋሎ በ17ኛው ሳምንት ጨዋታ በመጀመሪያው አጋማሽ በ32ኛው ደቂቃ ላይ ባስቆጠራት ብቸኛ ጎል ማሸነፉን አረጋግጧል።

በዛሬው ጨዋታ የመቐለ ከተማው ተጫዋች አመለ ሚልኪያስ በ71ኛው ደቂቃ እንዲሁም ምክትል አሰልጣኝ ጎይቶም ሀይሌ የመጫወቻ ሜዳን መስመር አልፈው በመግባት በቀይ ካርድ ተሰናብተዋል።

ፕሪሚየር ሊጉን ጅማ አባጅፋር በ40 ነጥብ ሲመራ፥ ቅዱስ ጊዮርጊስ በተመሳሳይ ነጥብ በሁለተኝነት ይከተላል፥ መቐለ ከተማ ደግሞ በ39 ነጥብ ሶስተኛ ደረጃ ላይ ተቀምጧል።

የዛሬውን ውጤት ተከትሎም ወልዋሎ ከወራጅ ቀጠና መውጣት ባይችልም ወደ 14ኛ ደረጃ በመምጣት መሻሻል አሳይቷል።

Share your thoughts on this post