ኮሎኔል ክብሮም ገብረማርያም ከዚህ አለም በሞት ተለዩ

ኮሎኔል ክብሮም ገብረማርያም ከዚህ ዓለም በሞት ተለዩ።

ኮሎኔል ክብሮም የአየር ሀይል ሎጂስቲክስ ሀላፊ፣ ቀጥሎም የመከላከያ ኢንጂነሪንግ ኮሌጅ አዛዥና የዩንቨርሲቲው ምክትል ፕሬዚዳንት በመሆን አገልግለዋል።

ከዚያ ቀደም ብሎ ኮሎኔል ክብሮም አስከፊውን የደርግ ስርዓት ለመገርሰስ ሲካሄድ የነበረውን የትጥቅ ትግል ግንቦት ወር 1968 ዓ.ም ተቀላቅለዋል።

በዚህም የትጥቅ ትግል ተሰልፈው የተሰጣቸውን ተልእኮ በብቃት ሲፈፅሙ የነበሩት ኮሎኔል ክብሮም፥ በነበራቸው ብቃት 1975 ዓ.ም በተካሄደው የህወሓት ሁለተኛ ድርጅታዊ ጉባኤ የድርጅቱ ማእከላዊ ኮሚቴ በመሆን ተመርጠው እስከ 1981 ዓ.ም ድረስ አገልግለዋል።

የደርግ ሰርዓት ከወደቀ በኋላም የመከላከያ ሰራዊት አባል በመሆን አገልግለዋል።

ኮሎኔል ክብሮም በ1998 ዓ.ም ከመከላከያ ሰራዊት በክብር በጥሮታ ተሰናብተዋል።

ኮሎኔል ክብሮም በትግራይ ክልል ሰለኽለኻ ወረዳ የተወለዱ ሲሆን፥ አንደኛ ደረጃ ትምህርታቸው በሰለኽለኻ ሚስዮን ትምህርት ቤት እንዲሁም የሁለተኛ ደረጃ ትምህርታቸው በመቐለ ሐፀይ ዮውሃንስ ትምህርት ቤት ተከታትለዋል።

በወታደራዊ ማዕርግ እስከ ኮሎኔልነት የደረሱ ሲሆን፥ በትምህርት ደረጃም በቢዚነስ አስተዳደር ሁለተኛ ዲግሪያቸውን ሰርተዋል።

ኮሎኔል ክብሮም ባለ ትዳርና የሶስት ልጆች አባት ነበሩ።

ባጋጠማቸው ህመም በአሜሪካ ሀገር ህክምናቸውን ሲከታተሉ ቆይተው ሰኔ 3 ቀን 2010 ዓ.ም ከዚህ አለም በሞት ተለይተዋል።

ስርዓተ ቀብራቸውም ነገ በአዲስ አበባ መንበረ ጸባኦት ቅድስት ስላሴ ካቴድራል ይፈፀማል።

ፋና ብሮድ ካስቲንግ ኮርፖሬት ለመላው ቤተሰቦቻቸው፣ ጓዶቻቸው እና ወዳጆቻቻው መፅናናትን ይመኛል።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram