ክርስቲያኖ ሮናልዶ በ131 ነጥብ 7 ሚሊዮን ዶላር ጁቬንቱስን ተቀላቀለ

ፖርቹጋላዊው ክርስቲያኖ ሮናልዶ የሪያል ማድሪድ ቆይታውን በማጠናቀቅ በ131 ነጥብ 7 ሚሊዮን ዶላር የጣሊያኑን ጁቬንቱስ ክለብ መቀላቀሉን አስታወቀ፡፡

ሮናልዶ በዘጠኝ ዓመታት የሪያል ማድሪድ ቆይታው አራት የቻምፒየንስ ሊግ ዋንጫዎችን አንስቷል፡፡

ተጫዋቹ ጁቬንትስን የተቀላቀለበት ዋጋ ከምንግዜም አራት ውድ ተጫዋቾች መካከል የሚያሰልፈው ነው ተብሏል፡፡

የ33 ዓመቱ ሮናልድ በህይወቴ ሌላ አዲስ ምዕራፍ የምጀምርበት ወቅት ነው ብሏል፡፡

ሮናልዶ በሪያል ማድሪድ ቆይታው በ438 ጨዋታዎች 450 ግቦችን አስቆጥሮዋል፡፡

ለሪያል ማድሪድ ተሰልፎ በተጫወተባቸው የቻምፒዮንስ ሊግ ጨዋታዎች 105 ግቦችን አስቆጥሮዋል እንዲሁም በ2013/14 የጨዋታ ዘመን 17 ግቦችን በማስቆጠር ሪከርዱን ይዟል፡፡

ከቡድኑ ጋር 16 ትልልቅ ዋንጫዎችን ያገኘ ሲሆን ሁለት የላሊጋ፣ አራት ቻምፒዮንስ ሊግ፣ ሦስት የክለቦች የዓለም ዋንጫ እና ሌሎችንም አግኝቷል፡፡

በተጨማሪም ከሪያል ማድሪድ ጋር 44 ሃትሪኮችን ሰርቷል ከስምንት ጊዜ በላይ አራት ከአራት በላይ ግቦችን አስቆትሮዋል፡፡

ፖርቹጋል ጨምሮ ለስፖርቲንግ ሊስበን ለማንቸስተር እና ለሪያል ማድሪድ ተሰልፎ በተጫወተባቸው ጨዋታዎች እስከአሁን 659 ግቦችን አስቆጥሮዋል፡፡

ሮናልዶ በማድሪድ በነበረው ቆይታ እጅግ ደስተኛ እንደነበረ ገልጾ ደጋፊዎቹን አመስግኗል፡፡

በአብርሃም ፈቀደ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram