ኬንያ የመጀመሪያዋን ሳተለይት ልታመጥቅ ነው

ኬንያ የመጀመሪያውን ሳተለይቷት በሚቀጥለው አርብ ለማምጠቅ በዝግጅት ላይ መሆኗ ተገለጸ።

ሳተለይቷን የማምጠቅ ስነ ስርዓቱም በፈረንጆቹ አቆጣጠር ግንቦት 11 2018 በጃፓን ኪቦ የሳተላይት ሙከራ ማዕከል እንደሚከናዎንም ነው የተገለጸው።

መንኮራኩሯ ኪቦ ከተባለው የጃፓን የጠፈር ምርምር ማዕከል እንደምትመጥቅም ነው መረጃዎች የሚያመላክቱት።

የኬንያ ዩንቨርሲቲ ተመራማሪዎች፣ ተማሪዎችና የጃፓን የጠፈር ተመራማሪወች ከባለፈው ጥር ወር ጀምሮ ለዚሁ ፕሮግራም መሳካት በጋራ ሲሰሩ እንደቆዩም ዘገባው አመላክቷል።

የናይሮቢ ዩንቨርሲቲ የውጭ ግንኙነት ዳይሬክተር ጆን ኦሪዲኒ እንደገለጹትም በሀገሪቷ የትምህርት ካቢኒዋ ዋና ጸሃፊ አምባሳደደር አሚና ሙሀመድ የሚመራ ቡድን ፕሮግራሙን ለመከታተል ወደ ጃፓን ያቀናል።

የሳተላይት ማምጠቅ ስነስርዓቱን በቦታው ተገኝቶ በቀጥታ የሚከታተለው ሉዑክ ከሀገሪቱ ዩንቨርሲቲ የተውጣጡ ተመራማሪዎችና ከፍተኛ የመንግስት ባለስልጣናትናን እንደሚካትት ነው ዘገባው የሚያመላክተው።

አጠቃላይ ፕሮግራሙን በተመለከተ በነገው ዕለት በምስልና ድምጽ የታገዘ ተጨማሪ ማብራሪ ከቦታው ይለቀቃል ተብሎ እንደሚጠበቅም ታውቋል።

ምንጭ፦ nation.co.ke

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram