ኬንያ በኮንጎ የኢቦላ ወረርሽኝ መቀስቀሱን ተከትሎ ተጓዦችን መመርመር ጀመረች

ኬኒያ በዴሞክራሲያዊ ሪፐብሊክ ኮንጎ የኢቦላ ወረርሽኝ መቀስቀሱን ተከትሎ ተጓዦችን መመርመር መጀመሯን አስታወቀች።

የኬንያ የጤና ጥበቃ ሚኒስትር ሲሲሊይ ካሪዩኪ እንደገለጹት፥ ወደ ሀገሪቷ ለመግባት የሚፈልጉ ተጓዦች ላይ ምርመራ እየተደረገ ነው።

ሚኒስትሩ ገዳዩ በሽታ የኬንያን ድንበር እንዳይዘልቅ የሚደረግ ጥረት አካል መሆኑን ተናግረዋል።

ምርመራ እየተደረገ የሚገኘው በጆሞ ኬንያታ አለም ዓቀፍ አውሮፕላን፣ በቡሲያ እና በማላባ የድንበር ቦታዎች ላይ መሆኑ ተገልጿል።

እስከአሁን በዴሞክራሲያ ሪፐብሊክ ኮንጎ ቢኮሮ በምትባለው ከተማ ብቻ 17 ሰዎች በበሽታው መሞታቸውን የሀገሪቱ የጤና ጥበቃ ሚኒስቴር አስውቀዋል።

ወረርሽኙን ተከትሎ የዓለም ጤና ድርጅት አንድ ሚሊየን የአሜሪካ ዶላር የአስቸኳይ ጊዜ እርዳታ የለገሰ ሲሆን፥ 50 ባለሙያዎችንም ወደ ቦታው ልኳል።

ወረርሽኙ በሀገሪቱ ሲከሰት ይህ ለዘጠነኛ ጊዜ ሲሆን ለመጨረሻ ጊዜ የታየው ባለፈው ዓመት ነበር።

ምንጭ፦ሲጂቲኤን

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram