ከ9 ዓመታት በፊት ሞቷል ተብሎ ሙሾ የተወረደለትና ተዝካሩ የወጣለት ግለሰብ በእድሜ ልክ ጽኑ እስራት ተቀጣ

ከ9 ዓመታት በፊት ሞቷል ተብሎ ሙሾ የተወረደለትና ተዝካሩ የወጣለት ግለሰብ በእድሜ ልክ ጽኑ እስራት ተቀጣ- 20 ዓመት የተፈረደባት ባለቤቱም የእውነት ጸሀይ ወጥቶላታል፡፡

ወይዘሮ ሰቀቀን አመሸ ከባለቤታቸው ከአቶ ታከለ ጥላሁን ጋር ትዳር መስርተው ጎጆ ቀልሰው በሜጫ ወረዳ -ስራ በተግባር እየተባለ በሚጠራው ቀበሌ ውስጥ ይኖሩ ነበር፡፡ በአካባቢው ማህበረሰብ ዘንድ ምስጉን የትዳር አጋሮችም ነበሩ፡፡ ሆኖም ከዛሬ 9 ዓመት በፊት መነሻው ባልታወቀ ምክንያት አቶ ጥላሁን ታከለ በባለቤታቸው እንደተገደሉ የአካባቢው ማህበረሰብ መረጃ ደረሰው፡፡ የመኖሪያ ቤታቸው በእሳት ተቃጥሎ እና 3 ልጆቻቸው በቃጠሎው ህይወታቸው ማለፉ ተረጋገጠ፡፡

አቶ ታከለ ጥላሁንም ሞተዋል ተብለው ሙሾ ወርዶላቸው ከ3 ልጆቻቸው ጋር የቀብር ስነ-ስርዓታቸው ተፈጸመ፡፡
ባለቤታቸው ወይዘሮ ሰቀቀን አመሸም በባለቤታቸው ና በልጆቻቸው ገዳይነት ተከሰው 20 ዓመት ተፈርዶባቸው ባህር ዳር ማረሚያ ቤት ቅጣታቸውን በመፈጸም ላይ እንዳሉ ከ7 ዓመታት የማረሚያ ቤት እስር በኋላ በይቅርታ ተለቀቁ፡፡