ከ156 የመስቀል አደባባዩ ጥቃት ተጎጂዎች መካከል 114ቱ ህክምናቸውን ተከታትለው ወደየቤታቸው ተመለሱ

የኢፌዴሪ ጠቅላይ ሚኒስትር ዶክተር አብይ አህመድ ወደ ኃላፊነት ከመጡ በኋላ ላመጧቸው ለውጦች ድጋፍ እና እውቅና መስጠትን ዓላማ ያደረገ ሰልፍ ላይ የቦምብ ጥቃት ተፈፅሞ 156 ሰዎች መጎዳታቸው የሚታወስ ነው።

ፍንዳታውን ተከትሎ 156ቱ ግለሰቦች ወደ ተለያዩ የህክምና ተቋማት የገቡ ሲሆን፥ 114ቱ ህክምናቸውን ተከታትለው ወደየቤታቸው መመለሳቸውን ነው የጤና ጥበቃ ሚኒስትር ዶክተር አሚር አማን ያስታወቁት።

ቀሪ 40 የሚሆኑት ተጎጂዎች ደግሞ የህክምና ክትትል እየተደረገላቸው ይገኛሉ ብለዋል።

እስከ አሁን ፍንዳታውን ተከትሎ የሁለት ሰዎች ህይወት አልፏል።

ሚኒስትሩ ጉዳቱን ተከትሎ የህክምና ባለሙያዎች ላሳዩት ጥንካሬ ያላቸውን ምስጋና በትዊትር መልዕክታቸው ገልጸዋል።

ኤፍቢሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram