‘‘ከኬሞ ቴራፒ’’ በኋላ ጽንስ ለመጸነስ የሚያስችል ሰው ሰራሽ ኦቫሪ ይፋ ሆነ

‘‘ከኬሞቴራፒ’’ በኋላ ጽንስ ለመጸነስ የሚያስችለውን ሰው ሰራሽ ኦቫሪ መስራታቸውን ተመራማሪዎች ገለጹ።

የዴኒማርክ ዶክተሮች ከሰዎች እንቁላልና ቲሹ የሰሩት አቮሪ ‘‘ከኬሞቴራፒ’’ እና ሌሎች ከባድ ህክምናዎች በኋላ ለመጸነስ የማይችሉ እናቶችን እንዲጸንሱና ዘራቸውን ለመተካት ያስችላል ተብሏል።

የካንሰር ህሙማን እናቶች ላይ የካንሰር ህክምና ከመደረጉ በፊት ኦቫሪያቸውን በማስወገድና ከህክምናው በኋላ እንደገና በመቀጠል እናቶች በተፈጥሯዊ መንገድ እንዲጸንሱ ማድረግ አንደሚቻል ዘገባው አስታውሷል።

ይሁን እንጂ በማሀጸን እና ደም ካንሰር ኦቫሪያቸው ላይ ጉዳት የደረሰባቸው እናቶች በዚህ መንገድ የመጸነስ እድል የሌላቸው መሆኑ ነው የተገለጸው።

ይህንን ችግር ለመፍታት ተመራማሪዎቹ በአይጦች ላይ በአደረጉት ምርምር ሰው ሰራሽ ኦቫሪ በቀዶ ህክምና በማስገባት አንድ አራተኛ ያህል እንቁላሎች ለ4 ሳምንታት ያህል ለማቆየት መቻሉ ነው የተገለጸው።

በቀዶ ጥገናው ሰውሰራሽ ኦቫሪ በተገጠመላቸው አይጦች ላይ የደም ስሮች ማደጋቸውና ኦቫሪው ምግብ እንዲያገኝ ማድረጋቸውም ታውቋል።

ሰው ሰራሽ ኦቫሪውን በሰዎች ላይ ተግባራዊ ለማድረግ ግን ቢያንስ ከ5 እስከ 10 ያህል ዓመታትን እንደሚወስድ ነው የጥናቱ መሪና በኮፐናገን ዩንቨርሲቲ የስነ ህይወት ላብራቶሪ ተመራማሪ የሆኑት ሱዛን ፖርስ የተናገሩት።

እናቶች ከባድ ‘‘የኬሞቴራፒ’’ እና የራዲዮ ጨረር ህክምና ካደረጉ በኋላ መጸነስ የማችሉ ሲሆን፥ አዲሱ የምርምር ውጤት ይህን ችግር ይፈታል ተብሎ እንደሚጠበቅ ነው ዘገባው የሚያመላክተው።

ቴክኖሎጂው ለካንሰርና ሌሎች ተያያዥ ህሙማን ብቻ ሳይሆን ቶሎ የወር አበባ ማየት ያቋረጡ እናቶችንም እንዲጸንሱ የሚያግዝ ነው ተብሏል።

ጥናቱ የመጀመሪያ ሲሆን፥ ከዚህ የበለጠ ውጤት ለማምጣት እንደሚስችልም ነው ፖርስ ለመገናኛ ብዙሃን ገለጹ የተባለው።

 

ምንጭ፦ upi.com

የተተረጎመው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram