fbpx

እስራኤል አወዛጋቢ የተባለውን ብሄራዊ የአይሁድ ህግ አጸደቀች

እስራኤል አወዛጋቢ የተባለውን ብሄራዊ የአይሁድ ህግ ማጽደቋ ተገልጿል።

በሳለፍነው ሮብ የእስራኤል ፓርላማ በሀገሪቱ ለአይሁድአውያን ጥቅም ቅድሚያ የሚሰጥ ህግ መጽደቁ የተገለጸ ሲሆን፥ በሀገሪቱ የሚኖሩ ፍሊስጤማአውያንን ሊያገል የሚችል ነው ተብሎ ተሰግቷል።

ህጉ በሀገሪቱ ምክርቤት 62 ለ55 በሆነ ድምጽ ድጋፍ የጸደቀ ሲሆን፥ ሂብሩ ቋንቋ የሀገሪቱ ብሄራዊ ቋንቋ እንዲሆን የሚደነግግ እና ለአይሁድአውያን ቅድሚያ የሚሰጥ ነው ተብሏል።

በዚህም አረብኛ ቋንቋ በእስራኤል ውስጥ በሚገኙ ተቋማት ውስጥ የሚሰጠውን አገልግሎት የሚቀንስ እንደሆነ ነው ዘገባው የሚያመላክተው።

ፍልስጤማአውያን የእስራኤል ፓርላማ አባላት ህጉን ያወገዙት ሲሆን፥ በሀገሪቱ የዴሞክራሲ ስርዓት እየሞተ ስለመሆኑ አመላካች መሆኑንም ገልጸዋል።

ህጉ ለአንድን ዘር የበላይነት በመስጠት ዘረኝነትን የሚያበረታታ መሆኑ ተጠቁሟል።

በእስራኤል 1ነጥብ8 ያህል ፍልስጤማአውያን የሚኖሩ ሲሆን፥ ከሀገሪቱ ዜጎች 20 በመቶ ያህል መሆናቸውን ዘገባው ያስረዳል።

 

ምንጭ፦ aljazeera.com

የተተረጎመው፦ በእንቻለው ታደሰ

Share your thoughts on this post
%d bloggers like this:
Visit Us On TwitterVisit Us On YoutubeVisit Us On Instagram