እማማ ፊሽካ (ወ\ሮ) ሮዛ

በአዲስ አበባ ሰሜን ማዘጋጃ አካባቢ በምግብ ቤት ስራ የሚተዳደሩት እማማ ፊሽካ (ወ\ሮ ሮዛ) ለተገልጋዮች ጤንነትና ንፅህና ጉዳይ ትልቅ ትኩረት እንደሚሰጡ ይገለጻል።

እማማ ፊሽካ የምግብ ቤ\ት ስራ ከጀመሩበት 2004 ዓ.ም አንስቶ ከትርፍአቸው ይልቅ ለተገልጋዮች ጤንነት ቅድሚያ እንደሚሰጡ ነው የተገለጸው።

ወ/ሮዋ ለንፅህና ካላቸው ልዩ ትኩረት የተነሳም በእርሳቸው ምግብ ቤት እጁን ያልታጠበ ሰው እንዳይመገብ ቁጥጥር እንደሚያደረጉም ታውቋል።

ይህን ቁጥጥር የሚያደርጉበት አርንጓዴ፣ ቢጫ፣ ቀይ ፊሽካና የማስጠንቀቂያ ካርድ ከአንገታቸው እንደማጠፋም ነው የተገለጸው።

በዚህም የምግብ ቤቱን ህግ የማያከብሩ ተጠቃሚዎችን ከማስጠንቀቅ አልፈው እንደሚያባርሩ ተመላክቷል።

በዚሁ ስራቸው ብዙ አስቸጋሪ ገጠመኞች ያሏቸው መሆኑን የሚናገሩት ወ/ሮዋ በተቃራኒው የሚያበረታታቸው ድጋፍና ሽልማትም የተበረከተላቸውና አሁን ላይም በበጎ አድራጎት ስራ በመስራት ላይ መሆናቸውን ተናግረዋል።

ኦሮምኛ፣ ትግረኛ፣ አማርኛና አደሬኛን አቀላጥፈው የሚናገሩት እማማ ፊሽካ ተግባቢና ደንበኞችን በሚገባ በመያዝ የሚያራምዱትን አላማ ማስፈፀም ችለዋል ተብሏል።

እማማ ፊሽካ ተወልደው ያደጉት በሀረር ክልል ሲሆን፥ በ1970 ዓ.ም ትዳር መስርተው ወደ አአዲስ አበባ መምጣታቸውን ተናግረዋል።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram