ኢንሱሊን በክኒን መልኩ ለስኳር ህሙማን በአማራጭነት ለማቅረብ የሚያስችል ጥናት ውጤት መገኘቱ ተገለጸ

ኢንሱሊን በክኒን መልኩ ለስኳር ህሙማን በአማራጭነት ለማቅረብ የሚያስችል የጥናትና ምርምር ውጤት ማግኘታቸውን ተመራማሪዎች ገልጸዋል።

የስኳር ህሙማኑ በቀን አንዴ ወይንም ሁለት ጊዜ ያህል የሚወጉትን የመርፌ ስቃይ ያስቀራል የተባለውን ኢንሱሊን በክኒን መልኩ ለለታይፕ 1 ህሙማን በአማራጭነት ለማቅረብ የሚያስችል የጥናት ውጤት መገኘቱን የሃርቫርድ ዩንቨርሲቲ የጤና ሳይንስ ክፍል ተመራመሪዎች ገልጸዋል።

አዲሱ የጥናት ውጤት በዓለም አቀፍ ደረጃ ያሉ 40 ሚሊየን ያህል የታይፕ 1 የስኳር ህሙማን ህዎት ለማሻሻል የሚያስችል ሲሆን፥ ህሙማኑ መርፌውን ለመውሰድ አቅም በሚንሳቸው ጊዜ ክኒኑን ለመውሰድ ምቹ ከሞሆኑም በላይ ሌሎች የጎንዮሽ ተደራራቢ ችግሮችንም እንደሚቀነስ ነው የተገለጸው።

ለህሙማኑ በአፍ በሚወሰድ ክኒን መልኩ የተዘጋጀው ኢንሱሊን በመርፌ የሚሰጠውን መድሃኒት እንዳሚተካም ነው ዘገባው የሚያስረዳው።

አዲሱ የጥናትና ምርምር ውጤት አሁን ላይ በመርፌ መልኩ ከሚሰጠው ኢንሱሊን በአንፃሩ በቀላሉ የሚመረትና ሳይበላሽ እስከ 2 ወራት ያህል ህሙማኑ በቤታቸው በማስቀመጥ መጠቀም እንደሚችሉም ተገልጿል።

በክኒን መልክ የተዘጋጀው ኢንሱሊን የጤናማ ሰዎች ቆሽት በተፈጥሮአዊ መንገድ የሚያመርተውን ንጥረ ቅመም በመኮረጅ የተሰራ ሲሆን፥ ህሙማኑ ለረጅም ጊዜ የስኳር መርፌ በመውሰድ የሚያጋጥሟቸውን የጎንዮሽ ጉዳቶችን የሚቀነስ ነው ተብሏል።

የምርምር ውጤቱ በሰፊው በእንሰሳት ላይ ከተሞከረ በኋላ ሙሉ በሙሉ አገልግሎት ላይ ከመዋሉ በፊት በሰዎች ላይ ተጨማሪ ሙከራዎች እንደሚደረግበትም ሳይንስዲያሊ ዶት ኮም በዘገባው አስፍሯል።

 

ምንጭ፦ sciencedaily.com

የተተረጎመው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram