fbpx

ኢትዮጵያ በዓለም የወጣቶች የአትሌቲክስ ውድድር ሁለት የወርቅ ሜዳሊያዎችን አግኝታለች

ኢትዮጵያ በፊንላንድ ቴምፔሬ 17ኛው የዓለም ከ20 ዓመት በታች የአትሌቲክስ ውድድር የፍጻሜ ቀን ውሎ ሁለት የወርቅ ሜዳሊያዎችን አግኝታለች።

 

በ3 ሺህ ሜትር መሰናክል ወንዶች እና የ1 ሺህ 500 ሜትር ሴቶች የፍጻሜ ውድድር ኢትዮጵያውያን አትሌቶች ድል ቀንቷቸዋል።

 

በ3 ሺህ ሜትር መሰናክል ወንዶች አትሌት ታከለ ንጋቴ 8 ደቂቃ ከ25 ሴኮንድ ከ35 ማይክሮ ሴኮንድ በመግባት አሸናፊ ሆኗል።

 

አትሌቱ የገባበት ጊዜ በርቀቱ በዚህ ዓመት ካስመዘገባው ሰአት ፈጣኑ ሆኖ ተመዝግቦላታል።

 

ኬንያዊው ሊኦናርድ ቤት 8 ደቂቃ ከ25 ሴኮንድ ከ39 ማይክሮ ሴኮንድ ሁለተኛ የወጣ ሲሆን ሌላኛው ኢትዮጵያዊ አትሌት ጌትነት ዋለ 8 ደቂቃ ከ26 ሴኮንድ ከ16 ማይክሮ ሴኮንድ ሶስተኛ ደረጃ ይዞ አጠናቋል።

 

በ1 ሺህ 500 ሜትር ሴቶች አትሌት አልማዝ ሳሙኤል 4 ደቂቃ ከ9 ሴኮንድ ከ67 ማይክሮ ሴኮንድ አሸናፊ መሆን ችላለች።

 

ኬንያዊቷ ሚሪያም ቺፕሮፕ 4 ደቂቃ ከ10 ሴኮንድ ከ73 ማይክሮ ሴኮንድ ሁለተኛ የወጣች ሲሆን ስዊዘርላንዳዊቷ ዴሊያ ስክላብስ 4 ደቂቃ ከ11 ሴኮንድ ከ98 ማይክሮ ሴኮንድ ሶስተኛ ደረጃን ይዛ አጠናቃለች።

 

በውድድሩ ላይ የተሳተፈችው ሌላኛዋ ኢትዮጵያዊ ድንቄ ፊርዲሳ ስድስተኛ ወጥታለች።

 

በ800 ሜትር ወንዶች ኢትዮጵያዊው አዲሱ ግርማ 1 ደቂቃ ከ47 ሴኮንድ ከ58 ማይክሮ ሴኮንድ በመግባት አምስተኛ የወጣ ሲሆን የገባበት ሰአት በርቀቱ የግል ምርጥ ሰአቱ ሆኖ ተመዝግቦለታል።

 

ኬንያውያኖቹ ሰለሞን ሌኩታና ንጌኖ ኪፕጌቲች አንደኛና ሁለተኛ ሲወጡ አልጄሪያዊው ኦሳማ ሼራድ ሶስተኛ ደረጃን ይዞ አጠናቋል።

 

ኢትዮጵያ በዓለም ከ20 ዓመት በታች የወጣቶች የአትሌቲክስ ውድድር ያገኘችውን የወርቅ ሜዳሊያ ቁጥር ወደ ሶስት ከፍ ብሏል።

 

አትሌት ድርቤ ወልተጂ በ800 ሜትር ሴቶች የወርቅ ሜዳሊያ ማግኘቷ የሚታወስ ነው።

 

ኢትዮጵያ በአጠቃላይ በውድድሩ ሶስት የወርቅ፣ ሁለት የብርና አራት የነሐስ ሜዳሊያ አግኝታለች።

Share your thoughts on this post
%d bloggers like this:
Visit Us On TwitterVisit Us On YoutubeVisit Us On Instagram