አዲሱ የስፔን ጠቅላይ ሚኒስትር ፔድሮ ሳንቼዝ ቃለ መሃላ ፈጸሙ

አዲሱ የስፔን ጠቅላይ ሚኒስትር ፔድሮ ሳንቼዝ ቃለ መሃላ ፈጸሙ።

ጠቅላይ ሚኒስትር ሳንቼዝ የቀድሞው ጠቅላይ ሚኒስትር ማሪያኖ ራሆይ በስፔን ፓርላማ የመተማመኛ ድምጽ ማጣታቸውን ተከትሎ ነበር ወደ ስልጣን የመጡት።

ፔድሮ ሳንቼዝ ዛሬ በስፔን ንጉስ ፊሊፔ 6ኛ አማካኝነት ቃለ መሃላውን ፈጽመዋል።

አዲሱ ጠቅላይ ሚኒስትር ሃገራቸውን በታማኝነት እንደሚያገለግሉ በቃለ መሃላው ወቅት ተናግረዋል።

የቀድሞው ጠቅላይ ሚኒስትር ማሪያኖ ራሆይ ከፓርቲያቸው የሙስና ቅሌት ጋር በተያያዘ በሃገሪቱ ምክር ቤት የመተማመኛ ድምጽ ማጣታቸውን ተከትሎ በትናንትናው እለት ከስልጣን ለቀዋል።

ራሆይ 180 አባላት ባሉት ምክር ቤት በተሰጠ ድምጽ የመተማመኛ ድምጽ ተነፍጓቸዋል።

ራሆይ በስፔን ዘመናዊ የፖለቲካ ታሪክ ውስጥ የመተማመኛ ድምጽ በማጣት ከስልጣን የተነሱ የመጀመሪያው ጠቅላይ ሚኒስትር ናቸው።

አዲሱ ጠቅላይ ሚኒስትር ፔድሮ ሳንቼዝም በቀጣዩ ሳምንት አዲሱን ካቢኔያቸውን ያሳውቃሉ ተብሎ ይጠበቃል።

በተያያዘ ዜና አዲሱ የካታላን ፕሬዚዳንት ሆነው የተመረጡት ኩይም ቶራ የካታላንን ከስፔን የመገንጠል እንቅስቃሴ እንደሚያስቀጥሉ ገልጸዋል።

ምንጭ፦ ቢቢሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram