አየር መንገዱ ወደ አሰብና ምጽዋ በረራ ሊጀምር ነው

የኢትዮጵያ አየር መንገድ ከአስመራ በተጨማሪ ወደ አሰብና ምጽዋ በረራ ሊጀምር መሆኑን አስታወቀ።

የአየር መንገዱ ዋና ስራ አስፈጻሚ አቶ ተወልደ ገብረማርያም ለፋና ብሮድካስቲንግ ኮርፖሬት እንደተናገሩት፥ የሁለቱ ሀገራት ወደ ሰላም ስምምነት መግባት የአየር መንገዱን መዳረሻ ለማስፋት ያግዛል።

ከዚህ በተጨማሪም ወደ ሌሎች ሀገራት የሚያደርገውን በራራ በአስመራ በኩል በማድረግ ጊዜና ወጭ ቆጣቢ እንዲሆን ያስችለዋልም ነው ያሉት።

በአሁኑ ወቅት በቀን አንድ ጊዜ የተጀመረውን ከአዲስ አበባ አስመራ የሚደረገውን በረራ በቀን ሁለት ጊዜ የማድረግ እቅድ መያዙንም ተናግረዋል።

የአየር መንገዱ በራረ መጀመርም የሁለቱን ሀገራት የንግድና ኢኮኖሚያዊ ግንኙነት ለማሳደግ ያግዛል ብለዋል።

በአስመራ የሚገኙ ኤርትራውያን በበኩላቸው ስምምነቱ በሁለቱ ሀገራት ህዝቦች መካከል የንግድ ግንኙነት እንዲፈጠር እንደሚያስችል ገልጸዋል።

አንዳንድ ኤርትራውያን ባለሃብቶችም በአዲስ አበባ የማምረቻና የንግድ ሱቆችን ለመክፈት ፍላጎት እንዳላቸው መናገራቸውን ባልደረባችን ድጋፌ ዳኛቸው ዘግቧል።

በሚቀጥለው ሳምንትም ከመቀሌ አስመራ አዲስ በረራ ይጀምራል።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram