አዛውንቱ የ18 ዓመት ወጣት

የዚህን ቻይናዊ እድሜውን አይተው ይገምቱ ቢባሉ ምናልባትም የበርካታ የልጅ ልጆች ባለቤት ሊሆኑ የሚችሉ የ80 ዓመት አዛውንት ናቸው ማለቶ አይቀርም፡፡

በምላሾ እርሶ አልተሳሳቱም ሆኖም ስያው ስሌይ የተባለው ቻይናዊ የ18 ዓመት ታዳጊ ሲሆን፥ የሁለተኛ ደረጃ ተማሪ ነው፡፡

ይህ ታዳጊ ብዙ ሰዎች ላይ የማይታይ የጤና እክል ያጋጠመው ሲሆን፥ የፊት ቆዳው እንዲሸበሸብ የሚያደርግ ነው ተብሏል፡፡

ቻይናዊው ምልክቱን ማስተዋል የጀመረው የመጀመሪያ ደረጃ ተማሪ ሳለ ነበር ሆኖም የታየበትን ምልክት በምንም መልኩ ማስወገድ አልተቻለውም፡፡

ሀኪሞች በትክክል ስያው ስሌይ ላይ የሚታየውን የጤና እክል ምን እንደሆነ እስከአሁን አልደረሱበትም፡፡

የስያው ስሌው ገጽታ ወደ ወጣትነት መመለስ ባይቻልም መልካሙ ነገር ከቆዳ መሸብሸብ ውጪ በጤናው ላይ ምንም ዓይነት የህመም ስሜት አይሰማውም ተብሏል፡፡

ከዚህ ባሻገር ስሌው በመምህራኑና በተማሪዎቹ ዘንድ እጅግ የሚደነቅ ተማሪ መሆኑን ይመሰክራሉ አንድ ቀንም በቻይና በሚገኙ ትልልቅ ዩኒቨርስቲዎች ውስጥ ገብቶ ህልሙን እንደሚያሳካ ይናገራሉ፡፡

ስያው አንዳንዴ ሰዎች ሲቀልዱብኝ እመለከታለው ነገርግን እኔ በመልካምነትና በአወንታዊ መንገድ ነገሮችን ተቀብዬ ከማለፍ ውጪ ሌላ የተሻለ አማራጭ የለኝም ብሏል፡፡

ትልቁ ጥንካሬ ነገሮችን በቀናነት ተመልክቼ መጓዝ መቻሌ ነው ይላል ስያው፡፡

ስያው በአሁኑ ወቅት በቻይና ምድር ከሚያደንቃቸው ሁለት ዩኒቨርስቲዎች ውስጥ ወደ ቤጂንግ ዩኒቨርስቲ ወይንም ወደ ሲንኋ ለመግባት ፈተና ላይ መሆኑን ተናግሯል፡

Xiao-Cui.jpeg

ምንጭ፦ዩፒአይ
በአብርሃም ፈቀደ ወደ አማርኛ ተመለሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram