አንድ ጊዜ መርፌ በመወጋት ብቻ ውፍረትንና ዓይነት 2 ስኳርን ማዳን ይቻላል – ጥናት

በስፔን ባርሴሎና የተደረገ አንድ ጥናት በዓይነት ሁለት ስኳርና በውፍረት የሚሰቃዩ ከሆነ አንድ ጊዜ ብቻ መርፌ በመወጋት ከሁለቱም ነገሮች በአንድ ጊዜ መገላገል ይችላሉ እያለ ይገኛል፡፡

ጥናቱ እንደሚለው ከሆነ ያለምንም ተጓዳኝ ችግር ነው ከውፍረትና ከስኳር ነጻ መሆን እንደሚቻል አረጋገጥኩ ያለው፡፡

የመድሐኒቱ ዓይነትም ኤፍጂኤፍ21 በሚል ምጽሃረ-ቃል በሚል የተቀመጠ ሲሆን፥ ይዘቱም ሆርሞን የያዘ ነው ተብሏል፡፡

ይህ ህክምና ለአንድ ዓመት ያህል በአይጦች ላይ የተሞከረ ሲሆን፥ ውፍረት ያለባቸው መቀነሳቸውን እንዲሁም የኢንሱሊን እጥረት ይታይባቸው የነበሩት የተሻለ ምርት ማስመዝገባቸውንም ጥናቱ አሳይቷል፡፡

ይህ የተሰማው ታዲያ ባለፈው ወር ተመራማሪዎች ለስኳር ህመም በየዕለቱ የሚወሰደውን መርፌ የሚያስቀር የኢንሱሊን ኪኒን ማግኘታቸውን ተከትሎ ነው ተብሏል፡፡

ከዚህ ቀደም የተደረጉ በርካታ ጥናቶች እንደሚሳዩት ከሆነ ውፍረት በዓይነት ሁለት ስኳር የመያዝ ዕድል እንደሚጨምር ማረጋገጣቸውም ይታወሳል፡፡

በባርሴሎና ተገኘ የተባለው አዲሱ ኤፍጂኤፍ21 የሆርሞን ህክምና ታዲያ ለሰውልጆች ትልቅ ተስፋን የሚሰጥ ነው ተብሎለታል፡፡

 

ምንጭ፦ዴይሊይሜይል
በአብርሃም ፈቀደ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram