አርሴን ዌንገር የኤምሬትስ የመጨረሻ ጨዋታቸውን በድል ተወጥተዋል

በ37ኛው ሳምንት የእንግሊዝ ፕሪምየር ሊግ በኢምሬት ስታዲየም የመጨረሻ ጨዋታቸውን ያደረጉት አርሴን ዌንገር በርንሌይን 5ለ0 በማሸነፍ የሽኝት ስነ ስርዓታቸው ደማቅ እንዲሆን አድርገዋል፡፡

22 አመት በአርሰናል ቆይታ ያደረጉት አርሴን ዌንገር በደጋፊዎችና በነባር እና በድሮዎቹ ታዋቂ ተጫዎቾች ደማቅ የሆነ አሸኛኘት ተደርጎላቸዋል፡፡

አርሴናልን በአሰልጣኝነት በመምራት ለመጀመሪያ ጊዜ በ1996 በኢውድ ፓርክ ከብላክበርን ጋር ያደረጉትን ጨዋታ በ2ለ0 ድል ነበር የጀመሩት ፡፡

የትላንቱ የኢምሬትስ ጨዋታ ለአርሴን ዌንገር 826ተኛው የፕሪምር ሊግ ጨዋታቸው ሲሆን 475ቱን በአሸናፊነት ተወጥተዋል፡፡

አርሴን ዌንገር ለአርሴናል ልዩ አጨዋወትን በማምጣት በዓለም ዙሪያ ታዋቂ እንዲሆን ያደረጉና በርካታ ተጫዋቾች በሊጉ ነግሰው እንዱወጡ በማድረጋቸውም መቼውም ቢሆን በአርሴናል ደጋፊዎች የማይረሱ ሆነዋል፡፡

በፕሪሚየር ሊጉ 286 ጨዋታዎችን በማሸነፍ ከሰር አሌክስ ፈርጉሰን ቀጥሎ ሁለተኛው ታካዊ አሰልጣኝ ናቸው፡፡

7 የኤፍ ኤ ካፕ፤ 3 የፕሪሚየር ሊግ ዋንጫዎችን ከአርሴናል ጋር ያነሱ ሲሆን በተለይም እሰካሁን በፕሪሚየር ሊጉ ሊደገም ያልቻለውን ክስተት ማለትም 38 ጨዋታወችን ባለመሸነፍ በፈረንጆቹ 2003-2004 ዋንጫ ያነሱበት አሁንም ቢሆን እንዲታወሱ ያደርጋቸዋል፡፡

በኤምሬትስ ስታዲየም የሽኝት ስነ ስርዓታቸውን ደማቅ ለማድረግም 60000 የአርሴናል ደጋፊዎች ቀያይ ቲሸርቶን በማድረግ ድጋፋቸውን ገልጸውላቸዋል፡፡

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram