አርሰናል የአለም ዋንጫ ከመጀመሩ በፈት አዲሱን አሰልጣኝ ይፋ ያደርጋል ተብሎ ይጠበቃል

አርሰናል ክለቡን በአሰልጣኝነት የሚረከቡትን የአርሰን ዌንገር ተተኪ የአለም ዋንጫ ውድድር ከመጀመሩት በፊት በቀጣይ ወር ይፋ እንደሚያደርግ ተነገረ።

መድፈኞችን ለ22 ዓመታት ሲያሰለጥኑ የቆዩት አርሰን ዌንገር ከሁለት ጨዋታዎች በኋላ ከክለቡ ጋር እንደሚለያዩ ይታወቃል።

አርሰናል አዲሱን አሰልጣኝ የሚያሳውቅበት ቀን ባይቆረጥም የሩሲያ የአለም ዋንጫ በፈረንጆቹ ሰኔ 14 2018 ከመጀመሩ በፊት ይፋ እንደሚያደርግ ነው የሚጠበቀው።

የቀድሞው የባርሴሎና አሰልጣኝ ሊውስ ኢንሪኬ ወይንም የጁቬንቱሱ አሰልጣኝ ማስሚላኖ አሌግሪኒ መድፈኞቹን ሊረከቡ ይችላሉ ተብሏል።

ከእነዚህ አሰልጣኝ በተጨማሪ የቀድሞ የአርሰናል አማካኝ ሚካኤል አርቴታ፣ ፓትሪክ ቬራ፣ የሞናኮው አሰልጣኝ ሊዎናርዶ ጃርዲም እና ለሶስት ጊዜያት የአውሮፓ ቻምፒየንስ ሊግ አሸናፊ የሆኑት ካርሎ አንቾሎቲ አርሰናልን ሊያሰለጥኑ ከሚችሉት ጋር ስማቸው ተያይዞ እየተነሳ ይገኛል።

ዌንገር ከክለቡ ጋር በቅርቡ የገቡት ውል ሳይጠናቀቅ በውድድር ዓመቱ መጨረሻ ክልቡን እንደሚለቁ በሚያዚያ ወር መጀመሪያ መናገራቸው ይታወሳል።

ፈረንሳዊው አሰልጣኝ በአርሰናል በነበራቸው ቆይታ ሶስት የእንግሊዝ ፕሪምየር ሊግን ጨምሮ ሰባት የኤፍ ኤ ካፕ እና ሌሎች ዋንጫዎችን ማሸነፍ ችለዋል።

ዌንገር በ22 አመታት የአርሰናል ቆይታቸው ክለቡ አሁን ላይ የሚታወቅበትን አጥቅቶ የመጫወት ዘይቤን አስተዋውቀዋል።

ምንጭ፦ ቢቢሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram