አርሰናል ኡናይ ኢምሬን በዋና አሰልጣኝነት ሾመ

የእንግሊዙ አርሰናል ኡናይ ኢምሬን በዋና አሰልጣኝነት መሾሙን አስታወቀ።

የክለቡ ዋና ስራ አስፈጻሚ ኢቫን ጋዚዲስ ስፔናዊው ኢምሬ የክለቡ ዋና አሰልጣኝነት በመሆን መሾማቸውን አስታውቀዋል።

የ46 አመቱ ኢምሬ የእንግሊዙን ክለብ ለማሰልጠን በመስማማታቸው የተሰማቸውን ደስታ ገልጸዋል።

ኢምሬ ከፈረንሳዩ ፒ ኤስ ጂ ጋር በውድድር አመቱ መጨረሻ መለያየታቸው ይታወሳል።

ኡናይ ኢምሬ በአንዳሉሺያው ክለብ ሲቪያ የተሳካ ጊዜ አሳልፈዋል።

ክለቡ በእርሳቸው እየተመራ የዩሮፓ ሊግን ለሶስት ተከታታይ አመታት ማሸነፉም አይዘነጋም።

ከዚህ ስኬታቸው በኋላ በፒ ኤስ ጂ ትልቁን የአውሮፓ ቻምፒየንስ ሊግ ዋንጫ ያመጡ ዘንድ ወደ ፈረንሳይ ቢያቀኑም ሳይሳካለቸው ቀርቷል።

ክለቡም ይህን እቅዱን የሚያሳካ አሰልጣኝ ፍለጋ ከኢምሬ ጋር ተለያይቷል።

ኢምሬ በአርሰናል ለምን ያክል ጊዜ ለመቆየት እንደተስማሙ ግን የተባለ ነገር የለም።

ምንጭ፦ ቢቢሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram