fbpx

አሜሪካ በኢትዮጵያ አሁን ላይ እየታየ ያለውን ለውጥ እንደምትደግፍ ገለጸች

አሜሪካ አሁን ላይ በኢትዮጵያ እየታየ ያለውን ለውጥ እንደምትደግፍ ገለጸች።

ኢትዮጵያ በዲሞክራሲ፣ በሰብአዊ መብት አያያዝና በመልካም አስተዳደር መስክ ከቅርብ ጊዜ ወዲህ እያሳየች ያለውን ለውጥ አመርቂ መሆኑና ለውጡም የአሜሪካን መንግስት እንደሚደግፍ የውጭ ጉዳይ ሚኒስቴር አስታውቋል።

በ8ኛው የኢትዮ-አሜሪካ የፖለቲካ ምክክር ላይ በኢትዮጵያ የአሜሪካ አምባሳደር ሚካኤል ራይነር እንዲሁም የአሜሪካ የውጭ ጉዳይ ሚኒስቴር ከፍተኛ የሥራ ኃላፊዎች

ከኢ.ፌ.ዲ.ሪ የውጭ ጉዳይ ሚኒስቴር ዶ/ር አክሊሉ ኃይለሚካኤልና ሌሎች ጉዳዩ ከሚመለከታቸው የሥራ ኃላፊዎች ጋር ምክክር ማድረጋቸው ተገልጿል፡፡

በምክክሩ መክፈቻ ላይ ንግግር ያደረጉት አምባሳደር ሚካኤል ምክክሩ ኢትዮጵያ ወሳኝና ታሪካዊ የለውጥ ምዕራፍ ላይ በምትገኝበት ወቅት መሆኑ ልዩ ያደርገዋል ብለዋል፡፡

የውጭ ጉዳይ ሚኒስቴር ሚኒስትር ዴኤታ ዶ/ር አክሊሉ ኃይለሚካኤል በበኩላቸው በአገራችን እየታየ ያለው ለውጥ ለአገራችን ብቻ ሳይሆን በሁለቱ አገሮች መካክል ያለውን ግንኙነት ይበልጥ እድል እንደሚፈጥር ተናግረዋል፡፡

በመድረኩ በዲሞክራሲ፣በሰብዓዊ መብትና በመልካም አስተዳደር ዘርፍ ገንቢ የሆነ ምክክር የተደረገ ሲሆን፥ በቀጣይ ኢትዮጵያ ያቀደቻቸውን ለውጦች ለመተግበር ጠቃሚ አስተያየቶች ተሰጥቷል ተብላል፡፡

Share your thoughts on this post
%d bloggers like this:
Visit Us On TwitterVisit Us On YoutubeVisit Us On Instagram