አሜሪካና ሜክሲኮ ዳግም በድንበር አጥር ምክንያት ተወዛገቡ

የዩናይትድ ስቴትስ ፕሬዚዳንት ዶናልድ ትራምፕ ሜክሲኮን ህገወጥ ስደተኞችን ባለመከላከሏ ወቅሰው፥ በድጋሚ የድንበር አጥሩን በራሷ ወጪ እንደምትገነባ ገልጸዋል፡፡

ትራምፕ በምርጫ ቅስቀሳ ወቅት ሊያከናውኗቸው ቃል ከገቧቸው ጉዳዮች መካከል በሀገራቸውና በሜክሲኮ ድንበር መካከል አጥር መገንባት አንዱ መሆኑ ይታወሳል፡፡

ታዲያ አጥሩ የሚገነባው በሜክሲኮ መንግስት በጀት እንደሆነ ገልጸው ነበር ሆኖም ከሜክሲኮ በኩል ጠንካራ ተቃውሞ ሲገጥማቸው ከርሟል፡፡

ይህ ተቀዛቅዞ የነበረውን ጉዳይ ታዲያ ትራምፕ በድጋሚ አንስተውታል ሜክሲኮም በራሷ ወጪ አጥሩን ትገነባለችም ብለዋል፡፡

የሜክሲኮው ፕሬዚዳንት ኤንሪኬ ፔና ኔይቶ ከሰዓታት ቆይታ በኃላ በትዊተር መልዕክታቸው መቼም ቢሆን ሀገራቸው ለግንባታው ወጪ እንደማታወጣ አስታውቀዋል፡፡

 

ምንጭ፦ሮይተርስ
በአብርሃም ፈቀደ ወደ አማርኛ ተመለሰ

Share your thoughts on this post