አለቃቸው በጥፊ እንድትመታቸው የሚማፀኑት ቻይናውያን ሰራተኞች

በቻይና የሚገኝ ሪል እስቴት ውስጥ የሽያጭ ባለሙያ የሆኑት ሰራተኞች የስራ አፈፃፀማቸውን ለማሻሻል አለቃቸው በጥፊ እድትመታቸው መማፀናቸው ተሰምቷል።

ነገሩ የሆነው እንዲህ ነው፤ በማእከላዊ ቻይና የሚኖሩት 6 ወንድ የሽያጭ ሰራተኞች በስራቸው ላይ መጓተት እንደተስተዋለ እና ለዚህም መፍትሄ የሚሉትን ይዘው እንዲቀርቡ ይታዘዛሉ።

ሰራተኞቹም በስራቸው ላይ ላሳዩት የአፈፃፀም ማነስ አለቃቸው ፊታቸው ላይ በጥፊ እንድትመታቸው ይማፀናሉ።

ዝሃንግ የተባለቸው የስራ ሃላፊ ሰራተኞቹ ቅጣት ይሁነን ብለው ያቀረቡትን ሀሳብ ያልተቀበለች ቢሆንም፤ ሰራተኞቹ ግን አለቃቸው በጥፊ እንድትመታቸው ለአምስት ጊዜ ያክል ደጋግመው ለምነዋታል ነው የተባለው።

የስራ ሃላፊዋ በመጨረሻም በሰራተኞቹ ሀሳብ በመስማማት በሰልፍ ቆመው ሲጠብቋት የነበሩትን የሽያጭ ሰራተኞች ደጋግማ በጥፊ መትታለች።

በቅጣቱ ወቅትም የሽያጭ ሰራተኞቹ እና አለቃቸው እያለቀሱ ነበር ነው የተባለው።

ሁኔታውን የሚያሳይ ቪዲዮም የቻይና ማህበራዊ ትስስር ድረ ገፅ የሆነው ዌቦ ላይ የተጫነ ሲሆን፥ በርካቶችም ተጋርተውት መነጋገሪያ ሆኖ ከርሟል።

ምንጭ፦ www.dailymail.co.uk

Share your thoughts on this post