ንጽህናው ያልተጠበቀ መርፌን በመጠቀም ለበሽታ የሚጋለጡ ሰዎች አንዳሉ አንድ ጥናት አመለከተ

እስካሁን ድረስ ንጽህናው ያልተጠበቀ መርፌና በሃኪም ያልታዘዙ መድሃኒቶችን በመጠቀም ለበሽታ የሚጋለጡ ሰዎች አንዳሉ አንድ ጥናት አመላክቷል።

ሰዎች በሃኪም ያልታዘዙ መድሃኒቶችንና ንጽህናቸው ያልተጠበቁ መርፌዎችን እንዳይጠቀሙ ለማድረግ የሚያስችሉ ሁኔታዎች ላይ በበቂ ሁኔታ እንዳልተሰራም ጥናቱ አመላክቷል ተብሏል።

በዚህም የብሉምበረግ ዩንቨርሲቲ የጤና ፖሊሲ ትምህርት ክፍል ተመራማሪዎች በ1ሺህ ተጠኝዎች ላይ በአደረጉት ጥናት ከተጠኝዎቹ መካከል 29 በመቶ ያህሉ ህጋዊ መርፌ የመውጋት አገልግሎት የሚሰጡ ማዕከላትን የሚጠቀሙ ሲሆን፥ 39 በመቶ ያህሉ ተጠኝዎች ደግሞ ህጋዊ ከሆኑ ተቋማት መርፈዎችን የሚወስዱ መሆኑን ነው ጥናቱ ያረጋገጠው።

በዚህም እስካሁን ድረስ ለኤች.አይ.ቪ ቫይረስና ሌሎች መሰል ተላለፊ በሽታዎች የሚጋለጡ ሰዎች ያሉ መሆኑን ጥናቱ አማላክቷል ነው የተባለው።

ከዚህም ሌላ ተጠኚዎቹ በሀኪም ያልታዘዙ መድሃኒቶችን የሚጠቀሙ መሆኑን በብሉምበረግ ዩንቨርሲቲ የጤና ፖሊሲ ትምህርት ክፍል የጤና ፖሊሲ አስተዳደር ባልደረባና የጥናቱ ጸሀፊ ኢማ ማክጂንቲ ተናግረዋል።

ንጽህናቸው ያልተጠበቀ መርፌዎቸንና በሃኪም ያልታዘዙ መድሃኒቶችን በመጠቀም ረገድ የታየው ክፍተት እድሜ፣ ዘር፣ ፆታና የፖለቲካ ዝንባሌ ልዩነቶች ያልገደቡት መሆኑን ነው ተመራማሪዎች የገለጹት።

በዚሁ ጉዳይ ላይ ገና ብዙ መሰራት ያለባቸው ነገሮች መኖራቸውንም የጥናቱ ጸሀፊ ማክጂንቲ አስረድተዋል።

ሰዎች በሃኪም ያልታዘዙ መድሃኒቶችንና ንጽህናቸው ያልተጠበቁ መርፌዎችን እንዳይጠቀሙ ለማድረግ የተቀናጀና የተደራጀ ሰፊ የህዝብ ንቅናቄ ስራ መሰራት ያለበት መሆኑነም ነው ጥናቱ የሚያስረዳው።

 

ምንጭ፦ upi.com

የተተረጎመውና የተጫነው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram