ናሳ ወደ ጸሀይ መንኮራኩር ሊያመጥቅ ነው

ናሳ የጸሀይን ባህሪ ለማጥናት ለመጀመሪያ ጊዜ “ፓርከር ሶላር ፕሮብ” የተሰኘ መንኮራኩር ወደ ጸሀይ ሊያመጥቅ መሆኑን አስታውቋል፡፡

የፀሀይን ባህሪ ለማጥናት ከዚህ ቀደም በርካታ ጥናቶች ቢደረጉም ወደ ፀሀይ መንኮራኩር በመላክም ሆነ በመቅረብ የሚካሄደው ጥናት የመጀመሪያ እንደሚሆን ተገልጿል፡፡

በሀምሌ መጨረሻ ላይ ጉዞውን ወደ ፀሀይ ይጀምራል ተብሎ የሚጠበቀው መንኮራኩር በሰው ልጅ ታሪክ ወደ ፀሀይ ለመቅረብ በአይነቱ የመጀመሪያው መሆኑም ተጠቁሟል፡፡

የአንድ መኪና አካለመጠን ያለው “ፓርከር ሶላር ፕሮብ” የተሰኘው መንኮራኩር በፀሀይ ዙሪያ 4 ሚሊዮን ማይልስ እየተጓዘ ጥናቱን ያደርጋል ተብሏል፡፡

መንኮራኩሩ ከዚህ ቀደም በየትኛውም አቅጣጫ ከተላኩት ሁሉ ለከፍተኛ ሙቀትና ጨረር የተጋለጠ እንደሚሆንም ተነግሯል፡፡

ፀሀይን ለበርካታ አመታት በሩቁ ሲጠና ቆይቷል፤ በቅርበት የሚጠናበት ጊዜው አሁን ነው ብለዋል በአሜሪካ የናሳ የሂሊዮ ፊዚክስ ሳይንስ ክፍል ተባባሪ ዳይሪክተር ሌክስ ያንግ ፡፡

መንኮራኩሯ እስካሁን መልስ ላላገኙ በርካታ የሳይንስ ጥያቄዎች ምላሽ እንደምትሰጥም ይጠበቃል፡፡

ምንጭ፡- ናሳ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram