ትዊተር በ2 ወራት ውስጥ የ70 ሚሊየን ደንበኞች አገልግሎትን አቋረጠ

ትዊተር በ2 ወራት ውስጥ ከ70 ሚሊየን በላይ ደንበኞቹን አገልግሎት ማቋረጡ ተገልጿል።

ኩባንያው የደንበኞቹን አገልግሎት ያቋረጠው በማህበራዊ ሚዲያው የሚዘዋወሩ የተዛቡ መረጃዎችን ለመቀነስ መሆኑም ታውቋል።

ትዊተር 336 ሚሊየን ያህል ደንበኞች ያሉት ሲሆን፥ ከነዚህም መካከል ከ70 ሚሊየን ያህል በላይ ደንበኞች በመረጃ አጠቃቀማቸው ላይ ችግሮች መታየታቸውና አገልግሎታቸው መቋረጡ ነው የተገለጸው።

በዚህም ባለፉት 2 ወራት በእየቀኑ የአንድ ሚሊየን ያህል ደንበኞቹን አገልግሎት እንዳቋረጠ የተገለጸ ሲሆን፥ ይህኑ ተግባር እስከ ነሃሴ ወር ድረስ አጠናክሮ እንደሚቀጥልም ነው በዘገባው የተገለጸው።

የሃሰት መረጃዎች እንዳይሰራጩ ለማድረግ ችግሮች ያሉባቸው የደንበኞችን አካውንት የማጥፋት፣ ይዘቶችን የማሻሻልና የማዳበር ስራዎችን የማላመድ ስራ እየሰራ ነው ተብሏል።

በማህበራዊ ሚዲያው በአግባቡ የማይጠቀሙ ደንበኞች አገልግሎቱ ከተቋረጠባቸው መካከል ሊገኙበት እንደሚችልም ተመላክቷል።

ትዊተር ያልተፈለጉ የደንበኞችን አካውንት ማስወገዱ የማህበራዊ ድረ ገጹ ተጠቃሚዎችን ቁጥር ሊቀንስበት እንደሚችልም ነው በዘገባው የተመላከተው።

ኩባንያው ስህተት መረጃዎች እንዳይሰራጩ በማድረግ ላይ እየሰራው ያለው ስራ ውስን በመሆኑ በአሜሪካ ህግ አውጪዎችና በዓለም አቀፍ የዘርፉ ሰዎች ክትትል እየተደረገባቸው ካሉት የማህበራዊ ሚዲያዎች አንዱ መሆኑንም ዘገባው ያስረዳል።

 

ምንጭ፦ reuters.com

የተተረጎመው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram