ትራምፕ አንድ የትዊተር ተከታያቸውን ማገዳቸው ህገ- መንግስታዊ አይደለም ሲል ፍርድ ቤት አስታወቀ

የአሜሪካው ፕሬዚዳንት ዶናልድ ትራምፕ አንድ የትዊተር ተከታያቸውን አግደዋል ተብሎ ክስ መቅረቡን ተከትሎ ፍርድ በቤት ከሀገሪቱ ህገመንግስት አንፃር በሳለፈው ውሳኔ መሰረት ፕሬዚዳንቱ ተከታያቸውን ማገድ እንደማይችሉ አስታውቋል።

ትዊተር የህዝብ መድረክ በመሆኑ ፕሪዚዳንቱ ሆነ ሎሎች ከፍተኛ የመንግስት ባለስልጣናት ተከተያቸው ስለተቻቸው ብቻ በህገ መንግስቱ ከተደነገገው የመናገር መብት አንፃር ማገድ ትክክል እንዳልሆነ ፍርድ ቤቱ ገልጿል።

የኮሎምቢያ ዩኒቨርሲቲ የናይት የመጀመሪያ የህገመንግስት ማሻሻያ ተቋም የፕሬዚዳንቱ እርምጃ ህገ መንግስቱን የሚጥስ ተግባር ነው በማለት ክስ አቅርቧል።

በዚህም ፍርድ ቤቱ ባሳለፈው ውሳኔ ትዊተር የህዝብ ሀሳብ መለዋወጫ መድረክ በመሆኑ ፕሬዚዳንቱ ተከታያቸውን ማገዳቸው ህገ-መንግስታዊ አይደለም በማለት ወስኗል።

የፕሬዚዳንቱ ጠበቃዎች በበኩላቸው የሀገሪቱ ህገ መንግስት ተከታይን ማገድ እንደ መብት ጥሰት አይወስደውም በማለት ውሳኔውን ተቃውመዋል።

ሆኖም የፍርድ ቤቱን ውሳኔ እንደሚያከብሩ ያስታወቁት ሲሆን፥ በቀጣይ ወደ ሚመለከተው አካል ጉዳዩን ይዘው እንደሚቀርቡ ነው ያስታወቁት።

ይህ ውሳኔ ማንኛው ሰው ከህግ በላይ እንዳልሆነ እና ሁሉም የመንግስት ባለስልጣናት ሀገሪቱ የምተከተለውን የህግ ስርዓት መከተል እንዳለባቸው ያሳየ ነው ተብሏል።

ምንጭ፦ ዘቨርጅ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram