ትህዴን የትጥቅ ትግል ማቆሙን አስታወቀ

የትግራይ ህዝብ ዴሞክራሲአዊ ንቅናቄ (ት.ህ.ዴ.ን) የትጥቅ ትግል ማቆሙን ገለፀ።

ከ17 ዓመት የትጥቅ ትግል በኋላ ዛሬ ሃምሌ 07 ቀን 2010 ዓ.ም የትጥቅ ትግል እንቅስቃሴውን ማቆሙን የንቅናቄው ማዕከላዊ ኮሚቴ በሰጠው መግለጫ አስታውቋል።

በየግንባሩ ለሚገኙ የድርጅቱ አባላትም ከማንኛውም የሃይል እንቅስቃሴዎች እንዲታቀቡ ጥሪውን አስተላልፏል።

ጠቅላይ ሚኒስትር ዶክተር አብይ አህምድ ወደ ኃላፊነት ከመጡ በኋላ በሃገሪቱ እየታዩ ያሉት ለውጦች የድርጅቱና የመላው የኢትዮጵያ ህዝብ የትግል ውጤቶችም መሆናቸውንም ነው ት.ህ.ዴ.ን የገለጸው።

በሃገሪቱ ተጥሎ የነበረው የአስቸኳይ ጊዜ አዋጅ መነሳት፣ አብዛኞቹ የፖለቲካ እስረኞች መፈታት፣ የዴሞክራሲ ምህድሩ መስፋትና ለ20 ዓመታት መቋጫ አጥቶ የቆየው የኢትዮጵያና የኤርትራ ጉዳይ እልባት ሊያገኝበት የሚችልበት እድል መፈጠሩ ድርጅቱ በመግለጫው የጠቀሳቸው አወንታዊ ለውጦች ናቸው።

በዚህም አሁን ላይ በሃገሪቱ እየታየ ያለው ለውጥ ከሌሎች የፖለቲካ ፓርቲዎች ጋር በዴሞክራሲያዊ መንገድ ሰላማዊ ትግል ለማድረግ ያስችላል ከሚል እምነት ድርጅት የትጥቅ ትግል ማቆሙን ገልጿል።

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram