ታዳጊው መሐመድ አብዱልአዚዝ አዲስ አበባ ገባ

በሳዑዲ አረቢያ በህክምና ስህተት ለ13 ዓመታት ሳይነቃ ሆስፒታል ውስጥ የቆየው ኢትዮጵያዊ ህፃን ሙሐመድ አብዱል አዚዝ አዲስ አበባ ገባ፡፡

ህፃን ሙሐመድ የሁለት ዓመት ህፃን እያለ ለህክምና በሳዑዲ ሆስፒታል ገብቶ እያለ ነው ለረጅም ዓመታት ሳይነቃ እንዲቆይ ያደረገው የህክምና ስህተት የተፈፀመበት፡፡

በመሆኑም የህፃን ሙሐመድን ጉዳይ ለማየት የተሰየመው ኮሚሽን 2.4 ሚሊዮን የሳዑዲ ሪያል የጉዳት ካሳ እንዲከፈል ለተጎጂ ቤተሰብ ፈርዶላቸው የነበረ ቢሆንም ወደ ኢትዮጵያም ለመመለስ ሆነ ካሳውን ለማግኘት የአፈፃፀም ችግር ገጥሟቸው ለበርካታ አመታት ሲንገላቱ እንደነበር ተገልጿል፡፡

ጠቅላይ ሚኒስትር አብይ አህመድ በቅርቡ በሳዑዲ ባደረጉት ጉብኝት ከአልጋ ወራሽ ሙሐመድ ሰልማን ጋር የህፃን ሙሐመድ አብዱል አዚዝ ጉዳይ መቋጫ እንዲያገኝ ከስምምነት መድረሳቸውን ተከትሎ ነው ህፃኑ ዛሬ ወደ አገሩ ለመመለስ የቻለው፡፡

ይህን ተከትሎ ተገቢው የጉዳት የካሳ ክፍያውም ቀድሞ ከተቀመጠው በመጨመር 3 ሚሊዮን ሪያል ካሳ ለቤተሰቦቹ ተፈፅሞ ፣ እስካሁንም መንቃት ያልቻለው ህፃን ሙሐመድ በልዩ የአውሮፕላን አምቡላንስ በዛሬው ዕለት ሰኔ 01፣2010 ቀን አዲስ አበባ ገብቷል፡፡

የጤና ጥበቃ ሚንስትር ዶክተር አሚር አማንና የውጭ ጉዳይ ሚኒስቴር የስራ ኃላፊዎችም ለታማሚው ህፃን አቀባበል አድርገውለታል፡፡

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram