fbpx

ቱርክ የ2 ለዓመታት የቆየውን የአሰቸኳይ ጊዜ አዋጅ አነሳች

የቱርክ መንግስት ከሁለት ዓመት በፊት የተሞከረውን መፈንቅለ መንግስት ተከትሎ የጣለውን የአስቸኳይ ጊዜ አዋጅ ነው በትናንትናው እለት ማንሳቱ የሀገሪቱ መገናኛ ብዙሃን የዘገቡት። ቱርክ ለሁለት ዓመታት ጥላው በነበረችው የአስቸኳይ ጊዜ አዋጅም በመቶ ሺህዎች የሚቆጠሩ ሰዎች ማሰሯ እና ከስራ ማባረሯም አይዘነጋም።

የሀገሪቱ መንግስት በየሶስት ወሩ እየታደሰ ለሰባት ጊዜ የተራዘመውን የአስቸኳይ ጊዜ አዋጅ በድጋሚ እንዲራዘም የቀረበውን ጥያቄ ውድቅ በማድረግ ነው አዋጁ እንዲነሳ የወሰነው። የአሁኑ የቱርክ መንግስት ውሳኔ የመጣውም ፕሬዚዳንት ሬሲፕ ጣይብ ኤርዶኸን በሀገሪቱ የተካሄደውን ምርጫ በድጋሚ ማሸነፋቸውን ተከትሎ መሆኑም ተነግሯል።

ቱርክ በሀገሪቱ የአስቸኳይ ጊዜ አዋጅ ያወጀችው እንደ አውሮፓውያኑ አቆጣጠር በ2016 ሲሆን፥ የአስቸኳይ ጊዜ አውጃ በነበረችበት ወቅትም ከ107 ሺህ በላይ የመንግስት ሰራተኞች ከስራቸው ተባረዋል።

ምንጭ፦ ቢቢሲ

Share your thoughts on this post
%d bloggers like this:
Visit Us On TwitterVisit Us On YoutubeVisit Us On Instagram