ቱርክ ከሶሪያ የሚያዋስናትን የ764 ኪ/ሜትር አጥር ግንባታ ማጠናቀቋን ገለጸች

ቱርክ ከሶሪያ የሚያዋስናትን የ764 ኪ/ሜትር አጥር ግንባታ ማጠናቀቋን ገልጻለች።

ቱርክ ከሶሪያ በሚያዋናት ድንብር ላይ 764 ኪ/ሜትር የሚሸፍን የኮንክሪት አጥር ማጠናቀቋን የሀገሪቱ ባለስልጣናት ገልጸዋል።

ይህ በዓይነቱ ዘመናዊ የሆነው አጥር ሳንሊዩርፋ፣ ጋዚአንተፕ፣ ኪሊስ፣ ሃታይ፣ ማርዲንና ሲራንክ የተባሉ የቱርክ ግዛቶችን የሚያካልል ነው ተብሏል።

በቅርበትና በርቀት የምስል ድምጽና ሌሎች መረጃዎችን ለመሰብሰብ እንዲሁም የጦር መሳሪያዎችን ለመጠቀም የሚያስችሉ ከራዳር ጋር ግንኙነት ያላቸው ዘመናዊ የኤለክትሮኒክ መሳሪዎች የተገጠሙለት እንደሆነም ነው ዘገባው የሚያስረዳው።

አጥሩ 7 ቶን የሚመዝኑ፣ 2ሜትር ስፋትና 3 ሜትር ቁመት ካለቻው ተነቀሳቃሽ አርማተዎች የተገነባ ሲሆን፣ ከአርመታው ግንብ በላይ በአንድ ሜትር ከፍታ በሽቦ መታጠሩ ነው የተገለጸው።

ከዚህ ግንባታ መካከል 564 ኪ/ ሜትር በሃገሪቱ መንግስት ድጋፍ ቤቶችን የሚገነባው ቶኪ የተባለ ድርጅት የተገነባ ሲሆን፥ 200 ኪ/ሜትሩ ግንባታው በተካሄደበት አካባቢ የሚገኙ ግዛቶች የገነቡት መሆኑም ታውቋል።

ቱርክ ከፈረንጆቹ 2011 ጀምሮ በእርስ በርስ ጦርነት እየታመሰች ካለችው ሶሪያ ጋር 911 ኪ/ሜትር ያህል ድንበር እንደምትዋሰንም ነው ዘገባው የሚያስረዳው።

በዚህም የደህንነት ስጋት ለመቀነስ፣ የህገወጥ አዘዋዋሪዎችንና ተዘዋዋሪዎችን እንቅስቃሴ ለመግታት አንካራ በፈረንጆቹ 2015 የዚህን አጥር ግንባታ መጀመሯም ታውቋል።

ምንጭ፦ com.tr

የተተረጎመውና የተጫነው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram