ቱርክ ከመፈንቅለ መንግስት ሙከራ ጋር በተያያዘ 101 ወታደሮች ላይ የእስር ማዘዣ አወጣች

ቱርክ እንደ በአውሮፓውያኑ 2016 ከተካሄደው መፈንቅለ መንግስት ሙከራ ጋር በተያያዘ በርከት ያሉ ወታደሮቿን በቁጥጥር ስር ልታውል መሆኑ ተሰምቷል።

በዚህም መሰረት የቱርክ አቃቤ ህጎች በ101 የቱርክ አየር ሀይል አባላት ላይ የእስር ማዘዣ ማውጣታቸው ነው የተነገረው።

የእርስ ማዘዣ የወጣባቸው 101 ተጠርጣሪዎቹ መቀመጫቸውን አሜሪካ ካደረጉት እና በቱርክ መንግስት ከሚፈለጉት የሀይማኖት መሪ ፌቱላህ ጉለን ጋር ግንኙነት አላቸውም ተብሏል።

በትናንትናው እለትም 33 የቱርክ ጦር አባላት ወደ ፍርድ ቤት የተወሰዱ ሲሆን፥ የቱርክ አቃቤያን ህጎች በሀገሪቱ በሚገኙ 21 ግዛቶች ውስጥም ምርመራ ማድረግ ጀምረዋል ነው የተባለው።

አንካራ መቀመጫውን አሜሪካ ያደረገው የፌቱላህ ጉለን ንቅናቄን ለከሸፈው መፈንቅለ መንግስት ተጠያቂ ብታደርግም፤ ጉለን ግን ውንጀላውን ውድቅ አድርገውታል።

እንደ አውሮፓውያኑ አቆጣጠር በሰኔ 2016 ከተካሄደው እና የ300 ሰዎችን ህይወት ከቀጠፈው መፈንቅለ መንግስት ሙከራ ወዲህ ቱርክ በአስቸኳይ ጊዜ አዋጅ ስር ተገኛለች።

ከመፈንቅለ መንግስት ሙከራው ማግስት ጀምሮም ሀገሪቱ 160 ሺህ ያክል ሰዎችን በቁጥጥር ስር ያዋለች ሲሆን፥ ተመሳሳይ ያለው ቁጥር ያለውን ሲቪል ሰርቫን ከስራ አሰናብታለች።

ምንጭ፦ www.aljazeera.com

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram