fbpx

ተገቢ ባልሆነ መንገድ ከአዲስ አበባ ዩኒቨርሲቲ ተባረው የነበሩ መምህራን ወደ ስራቸው መመለስ እንደሚችሉ መንግስት አስታወቀ

ከዚህ ቀደም ተገቢ ባልሆነ መንገድ ከአዲስ አበባ ዩኒቨርሲቲ ተባረው የነበሩ መምህራን ወደ ስራቸው መመለስ እንደሚችሉ መንግስት አስታወቀ፡፡

ጠቅላይ ሚኒስትር ዶ/ር አቢይ አህመድ 3175 ከሚሆኑ የዩኒቨርሲቲ መምህራን ጋር በዛሬው ዕለት ውይይት አካሂደዋል፡፡

ከ50 ዩኒቨርሲቲዎች ከተወጣጡ መምህራን ጋር በጠቅላይ ሚኒስቴር የመሰብሰቢያ አዳራሽ በተካሄደው ውይይት ከተሳታፊዎች በርካታ ጥያቄዎች ለጠቅላይ ሚኒስትሩ ቀርበዋል፡፡

የትምህርት ጥራት፣ ሀገራዊ አንድነት፣ ስለ አገሪቱ ወቅታዊ ሁኔታ፣ ብልሹ አሰራር እና ሙስና፣ አጠቃላይ የትምህርት ፖሊሲ፣ ብቃት እና ስነምግባር ያለው ዜጋ ስለማፍራት እንዲሁም ጥናት እና ምርምር ላይ ላተኮሩት ጥያቄዎችም ጠቅላይ ሚኒስትር ዐቢይ አህመድ ምላሽ ሰጥተዋል፡፡

ከዚህ ቀደም ተገቢ ባልሆነ መንገድ ከአዲስ አበባ ዩኒቨርሲቲ ተባረው የነበሩት መምህራን ወደ ስራቸው መመለስ እንደሚችሉም ተናግረዋል፡፡

በትምህርት ተቋማት ውስጥ ያሉ ብልሹ አሰራሮች እና በፖለቲካ አመለካከት እና በሌሎች ምክንያቶች አድሏዊ አሰራሮች እንደሚስተካከሉም በመድረኩ ላይ ተመልክቷል፡፡ መንግሰት የትምህርትን ጥራትን ለማረጋገጥ በከፍተኛ ተነሳሽነት እየሰራ እንደሆነ እና ወደፊትም ይሄው ተጠናክሮ እንደሚቀጥል ተናግረዋል፡፡

Share your thoughts on this post
%d bloggers like this:
Visit Us On TwitterVisit Us On YoutubeVisit Us On Instagram