ተስፋ ሰጪው የአእምሮ ካንሰር ክትባት…

ተመራማሪዎች በአእምሮ ካንሰር የተጠቁ ሰዎችን በህይወት እንዲቆዩ ይረዳል በሚል የሰሩት ክትባት ወደ ሙከራ ደረጃ መግባቱ ተነግሯል።

በሙከራውም በአእምሮ ካንሰር የተጠቁ ሰዎች ክትባቱን እንዲወስዱ ተደርጓል የተባለ ሲሆን፥ በዚህም ክትባቱን የወሰዱ ሰዎች ካልወሰዱት ጋር ሲነፃፀሩ በህይወት የመቆየት እድላቸው በሁለት እጥፍ ጨምሮ ተገኝቷል።

አዲሱ ክትባት የሰውነታችን በሽታ የመከላከል ስርአት ኢላማውን የአእምሮ ካንሰር ላይ አድርጎ እንዲያጠቃ የሚያደርግ መሆኑ ተገልጿል።

እንደ ተመራማሪዎች ገለፃ እስካሁን በካንሰር ክትባበቱ ላይ በተካሄደው ሙከራ ተስፋ ሰጪ ውጤቶች ተገኝተውበታል።

እስካሁን የአእምሮ ካንሰር መንስኤ የሆነውን ግላዮብላስቶማ እጢን ለማከም ከኬሞቴራፒ እና ራዲዮ ቴራዊ ቀጥሎ በቀዶ ጥገና ህክምና እጢውን ማውጣት ብቻ ነው ያለው አማራጭ።

ከቀዶ ህክምናው በኋላ ህክምናውን ለማካሄድ አጋዳች ነው የተባለ ሲሆን፥ ታካሚዎች ከቀዶ ጥገና ህክምና በኋላ በህይወት የመቆየት እድላቸው ከ15 እስከ 17 ወራት ብቻ ነው ተብሏል።

አሁን ላይ ሙከራ እየተደረገበት ያለው የአእምሮ ካንሰር ክትባት ግን ከቀዶ ጥገና ህክምና በኋላ የሰዎችን በህይወት የመቆየት እድል እስከ ሁለት እጥፍ ከፍ የሚያደርግ ነው።

“ዲ.ሲ.ቫክስ” የሚል ስያሜ በተሰጠው ክትባትም ከአሜሪካ፣ ካናዳ፣ ጀርመን እና ብሪታኒያ ከተውጣጡ 232 የአእምሮ ካንሰት ታካሚዎች ላይ ሙከራ ተደርጓል።

በክትባቱ ዙሪያ ለ11 ዓመታት ጥናት ከተካሄደ በኋላ የመጀመሪያ ዙር ውጤቱ ከሰሞኑ ይፋ የተደረገ ሲሆን፥ በጥናቱ ላይ ክትባቱን የወሰዱ ሰዎች ከቀዶ ህክምና ጥገና ህክምና በኋላ በአማካኝ 23 ወራትን በህይወት መቆየት ችለዋል።

በተጨማሪም 100 የሚደርሱ የጥናቱ ተሳታፊዎች ደግሞ ከቀዶ ጥገና ህክምና በኋላ እስከ 40 ወራት በህይወት መቆየት ችለዋል ነው የተባለው።

ክትባቱን ከወሰዱት ውስጥ ከቀዶ ጥገና ህክምና በኋላ ለረጅም ዓመት የኖረው ታካሚ 7 ዓመት መሆኑንም ተመራማሪዎች አስታውቀዋል።

ጥናቱ አሁንም ሙሉ በሙሉ ያልተጠናቀቀ ሲሆን፥ የበሽታው ታካሚዎች በህይወት የመቆየት እድላቸው ከዚህም ሊበልጥ እንደሚችል ነው ተመራማሪዎቹ የተናገሩት።

ምንጭ፦ www.bbc.com

Share your thoughts on this post