ተመድ የተባበሩት አረብ ኤምሬቶች በኳታር ላይ ያሳለፈችው እግድ የሀገሪቱን መብት የጣሰ ነው አለ

የተባበሩት መንግስታት ከፍተኛ ፍርድ ቤት የተባበሩት አረብ ኤምሬቶች በኳታር ላይ ያሳለፈችው እግድ የሀገሪቱን መብት የጣሰ መሆኑን አስታወቀ፡፡

ከዓመት በፊት የተባበሩት አረብ ኤምሬቶችን ጨምሮ ሳዑዲ አረቢያ፣ ባህሬንና ግብጽ ሙሉ ለሙሉ ዲፕሎማሲያዊ ግንኙነታቸውን ማቋረጣቸው ይታወሳል፡፡

ይህንንም ተከትሎ በተባበሩት አረብ ኤምሬቶች የሚኖሩ ኳታራውያንና ወደ ሀገራቸው ተባረዋል እንዲሁም “በወደቦቿ እንዳልጠቀም ዘግታብኛለች የአየር ክልሏን እንዳልጠቀም አድርጋለች” በሚል ኳታር ወደ ዓለም አቀፉ ፍርድ ቤት ጉዳይዋን ከዚህ ቀደም አቅርባለች፡፡

ፍርድ ቤቱም ይህን ክሷን ተመልክቶ በዓለም አቀፍ ደረጃ ስምምነት የተደረሰባቸው እንዲሁም ሁለቱም ሀገራት የዘር መድሎን በተመለከተ የፈረሙትን ህግ የጣሰ አካሄድ መሆኑንም አስቀምጧል፡፡

ፍርድ ቤቱ ኳታራውያኑ በተባበሩት ኤምሬቶች ያቋረጡትን ትምህርት እንዲቀጥሉ ቤተሰቦች ዳግም እንዲገናኙ ማዘዙም ተሰምቷል፡፡

የሀገሪቱ የሰብዓዊ መብት ተከራካሪ ተቋም ሁለቱ ሀገራት ዲፕሎማሲያቸውን ካቆሙ በኃላ 13 ሺህ ኳታራውያን የጉዳቱ ሰለባ መሆናቸውን ገልጿል፡፡

 

 

ምንጭ፦አልጀዚራ
በአብርሃም ፈቀደ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram