ቮዳኮምና ኤምቲኤን በኢትዮጵያ ለመሰማራት ፍላጎታቸውን አሳዩ

የኢህአዴግ ስራ አስፈፃሚ ኮሚቴ የኢትዮ ቴሌኮምን ባለቤትነት ከፊል ድርሻን ለግል ባለሀብቶች እንዲዘዋወር የሚያስችል ውሳኔ ማሳለፉን ተከትሎ በአፍሪካ በቴሌኮም ዘርፍ ግዙፍ የሆኑት ሁለት ኩባንያዎች ፍላጎታቸውን አሳይተዋል።

በኢትዮጵያ ቴሌኮም ዘርፍ ላይ ለመሰማራት ፍላጎታቸውን ያሳዩት የደቡብ አፍሪካዎች ቮዳኮምና ኤምቲኤን ኩባንያዎች ናቸው።

የቮዳኮም ቃልአቀባይ ኢትዮጵያ ያሳለፈችውን ውሳኔ ተከትሎ  በቴሌኮም ገበያ ለመሳተፍ ኩባንያቸው ፍላጎት እንዳለው ገልፀዋል።

የኤምቲኤን ኃላፊዎች ከኢትዮጵያ ባለስልጣናት ጋር በጉዳዩ ላይ ለመወያየት ማቀዳቸውን አስታውቀዋል፡፡

የኢህአዴግ ሥራ አስፈፃሚ ኮሚቴ በስብሰባው የኢትዮ ቴሌኮም፣ የኢትዮጵያ አየር መንገድ፣ የኤሌክትሪክ ኃይል ማመንጫዎች እና የባህር ትራንስፖርትና ሎጂስቲክስ ድርጅት ትልቁን የአክስዮን ድርሻ መንግስት ይዞ ቀሪው አክሲዮን ለሀገር ውስጥ እና ለውጭ ባለሃብቶች እንዲተላለፍ አቅጣጫ ማስቀመጡ ይታወሳል።

 

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram