ባቡር ላይ የተወለደው ፈረንሳዊ ህጻን የ25 አመት ነጻ የባቡር ትኬት ተፈቅዶለታል

ዛሬ ሌሊቱን የተወለደው ፈረንሳዊ ለ25 አመታት ነጻ የባቡር ትራንስፖርት እንዲያገኝ ተፈቅዶለታል።

የፓሪስ ከተማ የህዝብ ትራንስፖርት አገልግሎት ሰጭ የሆነው ተቋም፥ ለህጻኑ እስከ 25 አመቱ ድረስ ነጻ የባቡር ትራንስፖርት አገልግሎት ያገኝ ዘንድ ፈቅዶለታል።

ይህ የ25 አመት የነጻ የባቡር ትራንስፖርት ጉዞ ስጦታ የመጣው ደግሞ ህጻኑ ምሽቱን ባቡር ውስጥ መወለዱን ተከትሎ ነው።

በወቅቱ የባቡር አገልግሎት ለማግኘት ባቡር ውስጥ የነበረችውና ስሟ ያልተጠቀሰው እናት ልጇን ባቡር ውስጥ ተገላግላለች።

አጋጣሚው በተፈጠረበት ወቅትም የባቡር ትራንስፖርቱ ከአንድ ሰዓት በላይ እንዲቋረጥ ተደርጓል።

ይህ የሆነው ደግሞ ወላጅ እናት እና ልጅን እርዳታ ለመስጠት በማሰብ ሲሆን፥ እርዳታ ሰጭ ሰራተኞችም በወቅቱ አስፈላጊውን እንክብካቤ በመስጠት ሆስፒታል አድርሰዋቸዋል።

አሁን ላይም እናትና ልጅ አስፈላጊው እንክብካቤ እየተደረገላቸው በጥሩ የጤንነት ሁኔታ ላይ ይገኛሉ ነው የተባለው።

የፓሪስ ከተማ ባቡር ትራንስፖርት ተቋምም ለህጻኑ የ25 አመት የነጻ የባቡር ትራንስፖርት ጉዞ የሚፈቅደውን ስጦታ አበርክቶለታል።

 

ምንጭ፦ ዩናይትድ ፕረስ ኢንተርናሽናል

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram