በ11 ዓመቱ በአነቃቂ ንግግሩ በሺዎች የሚቆጠሩ አድማጭ ተመልካች ትኩረት ለመሳብ የበቃው ህፃን

የአነቃቂ ንግግር አዋቂ ለመሆን የህይወት ተሞክሮ ልምድ ትልቁን ድርሻ እንደሚወስድ ብዙዎቹ ይስማማሉ።

የ11 ዓመቱ ህፃን ሀማድ ሳፊ  ጠንከር ያሉ የስኬት፣ የህይወት ተግዳሮቶችና ሀላፊነትን በተመለከተ በሚያቀርባቸው አነቃቂ ንግግሮቹ በሺዎች የሚቆጠሩ አድማጭ ተመልካቾቹን ትኩረት ስቧል ነው የተባለው።

ህፃኑ በቀን ከ10 እሰከ 12 ሰዓት የማንበብ ልምድ ያለው ሲሆን፥ ለዚሁ ስራው ከበይነ መረብ የተለያዩ መረጃዎችን የመሰብሰብና የመጠቀም ልምዱ ከፍተኛ መሆኑም ታውቋል።

ህፃን ሳፊ በተፈጥሮ ግርማ ሞገስን የተላበሰና በራስ መተማመኑ እንዲሁም ንግግሩን ሲያቀርብ የሚያደርጋቸውን እንቅሳቀሴዎች በማጥናት ለዚህ መብቃቱ ነው የተገለጸው።

አሁን ላይ የህፃን ሳፊ ዩቱብ ቻናል 160 ሺህ ‘‘ሰብስክራበር’’ ያሉትና ቪዲዮዎቹም እስከ አንድ ሚሊየን ያህል ተመልካች ያላቸው መሆኑን ነው መረጃዎች የሚያመላክቱት።

ከሳፊ እድሜ በእጥፍ ብልጫ ያለው አንድ ተማሪ የሳፊን ቪዲዮ በማየት ብቻ እራሱን ለመጥፋት የወሰነውን ውሳኔ ለመቀየር መብቃቱንም እራሱ ወጣቱ ለመገናኛ ብዙን በሰጠው መግለጫ ማረጋገጡን ነው ዘገባው የሚያስረዳው።

ህፃኑ በዚህ ልዩ ተሰጥኦው የህዝብን ትኩረት መሳቡና አድናቆት እየጎረፈለት ቢሆንም ይህ ተግባሩ የበለጠ ስራውን ለመስራት ያበረታታው መሆኑም ታውቋል።

የአካበቢው ሰዎች ህፃኑን የተለየ ፍጡር አድረገው እንደሚዩት የተገለጸ ሲሆን የህፃኑ አባት የሆኑት አብዱል ረህማን ካሃን በልጃቸው ልዩ ተሰጥኦ ክብር የሚሰማቸው መሆኑን ገልጸው ለሳፊ የተለዩ መምህራን የሚያስፈልጉት መሆኑን አመላክተዋል ተብሏል።

ሳፊ ወደ ፊት የሀገሩ መሪ የመሆን ምኞት ያለው መሆኑንም ዘገባው አመላክቷል።

 

 

 

ምንጭ፦ odditycentral.com

የተተረጎመው፦ በእንቻለው ታደሰ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram