በ1 ሺህ 450 ዶላር የሚሸጠው ግማሽ ኮት

የፋሽን ኢንደስትሪው በየእለቱ የተለያዩ አልባሳት ዲዛይኖችን እየፈጠረ ለገበያ በማቅረብ ላይ የገኛል።

ፈረንሳያዊው ዲዛይር ቤን ታቨርኒቲ ከሰሞኑ ይፋ ያደረገው የልብስ ዲዛይንም የበርካቶችን ቀልብ የሳበ ሲሆን፥ መነጋገሪያ ሊሆንም ችሏል።

ዲዛይነሩ ግማሽ ኮት ማለትም አንድ ጎናችንን ብቻ የሚሸፍን ኮት ሰርቶ ለሽያጭ ማቅረቡም ተገልጿል።

ታዲያ የልብሱ ዲዛይን ብቻ ሳይሆን የመሸጫ ዋጋውም በርካቶችን አነጋግሯል የተባለ ሲሆን፥ የግማሽ ኮቱ መሸጫ ዋጋም 1 ሺህ 450 የአሜሪካ ዶላር ተቆርጦለታል።

የኮቱ ግማሽ አካል አንድ ልብስ የሚያስፈልገው ሙሉ ግብአት ተካቶበት የተሰራ ሲሆን፥ ግማሹ ደግሞ ልብሱ እንዳይወድቅ ከሰውነታችን ጋር የሚያጣብቅ ማሰሪያ ብቻ ነው የተገጠመለት።

አይ ቀሪውን ግማሽ እፈልጋለው ካሉም ደግሞ ችግር የለውም አንድ ላይ 2 ሺህ 900 የአሜሪካ ዶላር በመክፈል ሙሉ ኮት መውሰድ ይችላሉ ነው የተባለው።

ምንጭ፦ www.odditycentral.com

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram